Marathi Live News: गुरुवारी, छत्रपती शिवाजी महाराजांच्या 396व्या जयंतीनिमित्त मुंबईसह राज्यभरात अभिवादनाचे विविध रंग अनुभवायला मिळाले. त्याचबरोबर, ऐतिहासिक रायगड किल्ल्यावर शिवजयंतीनिमित्त महाराजांना अभिवादन करून शिवजयंतीचा सोहळा उत्साहात पार पडला. दरम्यान, पुणे जिल्ह्यातील किल्ले शिवनेरी येथे शिवजयंतीनिमित्त मोठ्या संख्येने शिवभक्तांनी रात्रीपासूनच गर्दी केली होती. त्यामुळे गडावर मोठी चेंगराचेंगरी झाल्याची धक्कादायक घटना घडली. गडावर जाणाऱ्या मार्गावर भाविकांची प्रचंड गर्दी उसळली होती. दरम्यान, प्रवेशद्वाराजवळ अचानक ढकलाढकली सुरू झाल्याने काही काळ गोंधळाचे वातावरण निर्माण झाले.