काय झालं नेमकं?

पिंपळनेर शहरातील नीलकंठ- नगरमध्ये राहणारे विजय गोसावी यांच्या मुलीच्या लग्नाचा साखरपुडा आणि हळदीचा कार्यक्रम गुरुवारी दुपारच्या सुमारास सुरू होता. सर्व नातेवाईक एकत्र जमले होते. मात्र, दुपारी अचानक दोन गट आमनेसामने आले. वादाचे रूपांतर हाणामारीत झाले. रागाच्या भरात हल्लेखोरांनी कुऱ्हाड आणि चाकूसारख्या धारदार शस्त्रांनी समोरच्या व्यक्तींवर सपासप वार करण्यास सुरुवात केली. मंडपात रक्ताचा सडा पडला.
HiLITE Group : मालक असावा तर असा! कंपनीकडून 47 कर्मचाऱ्यांना 20 कोटींच्या आलिशान गाड्या भेट; ऑडी, रेंज रोव्हर ते स्कोडा कारची खैरात
हल्ल्यात गंभीर जखमी झालेले देवेंद्र पवार, सुरेश गोसावी आणि साहिल गोसावी यांना तातडीने रुग्णालयात दाखल करण्यात आले. मात्र, उपचारादरम्यान या तिघांचाही मृत्यू झाला. पंकज अशोकगीर गोसावी, सुरेश सुपडूगीर गोसावी आणि सागर गोसावी गंभीर जखमी असून, यापैकी एकाची प्रकृती चिंताजनक आहे.

तिघांना अटक

या घटनेनंतर पिंपळनेर पोलिसांनी तीन आरोपींना ओटाबारी येथे अटक केली. कांतीलाल गोसावी, जयंत गोसावी आणि ब्रिझा कारचा चालक (सर्व रा. गुजरात) अशी त्यांची नावे आहेत. या प्रकरणी कानागिरी गोसावी, यशवंत गोसावी, अनिलगिरी गोसावी, सोनुगिरी गोसावी आदींवर गुन्हा दाखल करण्यात आला आहे.
Pune Crime : कात्रजला जायचंय, रिक्षा इथे का नेता? वादावादीत महिलेला संपवलं, पोलिसांनी 97 सीसीटीव्ही फूटेज तपासले, अखेर गूढ उकललंच
हा हल्ला पूर्वनियोजित असल्याचा आरोप मृतांच्या नातेवाइकांनी केला आहे. हल्लेखोरांनी काही दिवसांपूर्वीच व्हॉट्सॲप स्टेटसवर ठार मारण्याची धमकी दिली होती, असा दावा अशोक गिरी यांनी केला आहे. ही धमकी गांभीर्याने घेतली असती तर कदाचित आज हा भीषण रक्तपात झाला नसता, अशी भावना व्यक्त होत आहे.