या बाबत मिळालेल्या अधिकच्या माहितीनुसार, बीड जिल्ह्याच्या केज तालुक्यातील युसूफवडगाव पोलिस ठाण्याच्या हद्दीतील एका गावातील सातवीत शिकणाऱ्या १३ वर्षीय मुलीचा शनिवारी रात्री अचानक कान दुखू लागला. मुलीच्या वडिलांनी रात्री १० च्या सुमारास आपल्या दुचाकीवर मुलीला घेऊन दवाखान्यात जाण्याचे ठरवले. यावेळी त्यांनी सोबत मदत म्हणून आपला मित्र किशोर लक्ष्मण कांबळे (वय ३२) यालाही घेतले. दोघांच्यामध्ये मुलगी दुचाकीवर बसवण्यात आली होती. धनेगाव येथील डॉक्टरांकडे उपचार करून परत येत असताना, आरोपीने त्या अल्यवयीन मुलीसोबत अश्लील चाळे करत असभ्य वर्तन केले.

घरी परतल्यानंतर पीडित मुलीने घडलेला सर्व प्रकार आपल्या पालकांना सांगितला. मुलीची आपबिती ऐकून पायाखालची जमीन सरकली. ज्याच्यावर एवढा विश्वास दाखवला त्यानेच असा धोका दिला .हादरलेल्या वडिलांनी तातडीने पोलिसांत धाव घेतली आणि झालेला सर्व प्रकार युसूफ वडगाव येथील पोलिसांना सांगितला असल्याचे फिर्यादीत सांगण्यात आले आहे.

Satara Shiv jayanti : साताऱ्यात शिवजयंती कार्यक्रमावरून वाद; अघोरी नृत्याच्या आयोजनावर अंनिसची हरकत

पीडित अल्पवयीन मुलीच्या वडिलांच्या फिर्यादीवरून आरोपी किशोर कांबळे विरुद्ध रविवारी युसूफवडगाव पोलिस ठाण्यात गुन्हा नोंदवण्यात आला. गुन्हा दाखल होताच पोलिसांनी कसलाही विलंब न करता आरोपीला त्याच्या गावातून बेड्या ठोकल्या. पिंक पथकाचे प्रमुख पोलीस उपनिरीक्षक प्रकाश शेळके यांनी आरोपीला केज न्यायालयात हजर केले.

न्यायालयाने आरोपीला एक दिवसाचा पी सी आर दिला असून त्याची कसून चौकशी केली जात असल्याचे सहाय्यक पोलिस निरीक्षक शेडगे यांनी म्हटले आहे.