प्रेमविवाहानंतर सतत भांडणे; बाहेरील संबंधाचा संशय

स्वाती आणि गणेश यांचा 2012 मध्ये प्रेमविवाह झाला होता. दाम्पत्याला दोन मुले आहेत. गणेश कोल्हापुरी फेट्याचा व्यापारी असून, कोल्हापुरातील शनिवार पेठेत दुकान चालवतो. गेल्या काही महिन्यांपासून दोघांमध्ये वारंवार भांडणे होत होती. स्वातीला गणेशचे बाहेर संबंध असल्याचा संशय आल्याने होणारे वाद तीव्र झाले होते. दि. 7 फेब्रुवारी रोजी मध्यरात्री घरगुती कारणांमुळे चिडलेल्या गणेशने स्वातीचा गळा आवळला. ती गंभीर जखमी झाली तरी त्याने माहेरच्या माणसांना ती बेपत्ता असल्याची खोटी माहिती दिली आणि तिला कदमवाडी येथील डी. वाय. पाटील हॉस्पिटलमध्ये दाखल करून तो फरार झाला होता.

नातेवाईकांचा आक्रोश; पोलिस ठाण्यासमोर ठिय्या

स्वातीवर उपचार सुरू असताना तीचा मृत्यू झाल्यावर राजोपाध्ये नगरातील बी. डी. कामगार वसाहतीत राहणाऱ्या स्वातीच्या माहेरच्या नातेवाईकांनी लक्ष्मीपुरी पोलिस ठाण्यासमोर ठाण मांडले. संशयिताच्या अटकेशिवाय मृतदेह ताब्यात घेणार नाही, अशी भूमिका घेत त्यांनी ठिय्या आंदोलन केले.

Manoj Jarange Patil: ‘फडणवीसांना कल्पना नसेल पण हे भयानक प्रकरण…’; नागपूरची महिला माझ्याकडे ढसाढसा रडली, धनंजय मुंडेंवर जरांगे पाटलांचे खळबळजनक आरोप

स्वातीच्या आई जयश्री भाट यांनी फिर्याद दिली. स्थानिक गुन्हेगार अन्वेषण शाखेचे पोलिस निरीक्षक सुशांत चव्हाण, पोलिस निरीक्षक श्रीराम कण्हेरकर यांनी समजूत काढली. मात्र नातेवाईक ऐकण्याच्या मनस्थितीत नव्हते. रात्री उशिरा याप्रकरणी खुनाचा गुन्हा नोंदवण्यात आला.

पोलिसांची वेगवान कारवाई; आरोपीची कबुली

पोलीस निरीक्षक सुशांत चव्हाण यांनी सागर वाघ, सुरेश पाटील, रामचंद्र कोळी, विनोद कांबळे, रुपेश माने यांचे पथक नेमले. गोपनीय माहितीच्या आधारे सीपीआर हॉस्पिटलजवळ दाढी वाढलेल्या अवस्थेत फिरणाऱ्या गणेशला अटक करण्यात आली. चौकशीत त्याने घरगुती वाद, गळा आवळणे, पत्नीचा उपचारा दरम्यान मृत्यू आणि अटकेच्या भीतीमुळे फरार असल्याचे सांगितले. पुढील तपास लक्ष्मीपुरी पोलिसांकडून सुरू आहे.

दरम्यान या घटनेमुळे कोल्हापूर शहरात घरगुती हिंसेप्रती संवेदनशीलता वाढली असून, पोलिसांना सतर्क राहण्याचा इशारा देण्यात आला आहे.