मिळालेल्या माहितीनुसार, मृत तरुणाची 35 वर्षीय आई ठाण्यातील एका सिव्हिल हॉस्पिटलमध्ये काम करते. त्यांचा मुलगा दिवा येथे सिव्हिल इंजिनिअरिंगच्या डिप्लोमाचे शिक्षण घेत होता. मात्र जानेवारी 2026 मध्ये तो शिर्डीला पायी चालत गेल्याने त्याच्या पायाला जखमा झाल्या आणि तो मागील काही दिवसांपासून कॉलेजला जात नव्हता. अशातच 12 फेब्रुवारी रोजी आई कामावर गेल्यानंतर तो घरी एकटाच होता. सायंकाळी 5 वाजता आईचे त्याच्याशी शेवटचं बोलणं झालं. मात्र नंतर तो फोन उचलत नसल्यामुळे आईला काळजी वाटली आणि तिने मुलाच्या मित्रांना त्याला बघायला पाठवले. मित्रांनी दार वाजवले, पण प्रतिसाद मिळाला नाही.

एका मित्राने खिडकीतून पाहिले असता, त्याला तो तरुण गळफास घेतलेल्या अवस्थेत दिसला. मित्रांनी त्याला तातडीने केईएम हॉस्पिटलमध्ये नेलं, पण तिथं डॉक्टरांनी त्याला मृत घोषित केलं.

आईने दिलेल्या तक्रारीनुसार, मुलाचे शिवडी इथं राहणाऱ्या एका मुलीसोबत त्याचे प्रेमसंबंध होते. मागील वर्षी ऑक्टोबरमध्ये झालेल्या भांडणानंतर तो दोघे वेगळे झाले. त्यानंतर मुलाने आत्महत्येचा प्रयत्न केला होता. ती मुलगी त्याला टाळू लागली होती आणि त्याने खालच्या जातीचा असल्यामुळे तिला त्याच्यासोबत राहायचे नाही, असं सांगितलं होतं. तसंच, मुलीच्या कुटुंबीयांनी माझ्या मुलाला शिवडी इथं येण्यास मनाई केली होती. त्या मुलीने सोशल मीडियावर इतर मुलांसोबतचे फोटो पोस्ट केल्याने मुलाला आणखी त्रास झाला. ब्रेकअप, जातीयवादी टोमणे आणि सोशल मीडियावरील गोष्टींमुळे आलेल्या तणावामुळे त्याने हे टोकाचे पाऊल उचललं,” असा आरोप मृत मुलाच्या आईने केला आहे.

दरम्यान, या आत्महत्येप्रकरणी पोलिसांनी गुन्हा दाखल केला असून पुढील तपास केला जात आहे.