पादचारी पूल नाही

स्थानकावर लोहमार्गाचे दुहेरीकरण झाले असून, फेब्रुवारी २०२६ पासून मनमाडच्या दिशेने जाणाऱ्या गाड्या नवीन फलाट क्रमांक दोनवर थांबत आहेत. मात्र, प्रवाशांना या फलाटावर जाण्यासाठी पादचारी पूल (FOB) उभारलेला नाही. तसेच, कोच नंबर डिस्प्लेही लावलेले नाहीत. फलाट क्रमांक दोनवर शेड किंवा छत नसल्याने उन्हात प्रवाशांना उघड्यावर उभे राहावे लागते. ज्येष्ठ नागरिक, महिला आणि लहान मुलांसाठी बसण्याची सोय नाही. दुचाकी आणि चारचाकी वाहनांसाठी पार्किंगची व्यवस्था नाही. नवीन फलाटावर पिण्याच्या पाण्याची आणि स्वच्छतेची सोयही नाही.Kalyan-Taloja Metro: ‘मेट्रो लाइन 12’चा महत्त्वाचा टप्पा पूर्ण, कल्याण-शिळफाटा-तळोजा मार्गाला समांतर धावणार मार्गिका; कुठे असणार स्थानकं?

मध्य रेल्वेच्या महाव्यवस्थापकांनी नुकतीच स्थानकाची पाहणी केली होती. त्यांच्या दौऱ्यापूर्वी प्रशासनाने घाईघाईने विजेची आणि इतर कामे केली होती. मात्र, ही कामे आता उघड्यावर पडली असून, अनेक कामे अपूर्ण आहेत. हे स्थानक एक महत्त्वाचे थांबा केंद्र बनले आहे आणि प्रवाशांकडून महसूल मिळत असूनही रेल्वे प्रशासन मूलभूत सुविधा पुरवत नाही.

Navi Mumbai News: ठाणे-वाशी मार्गावरील रेल्वे स्थानक बकाल, दररोज कामगार, स्थानिकांची ये-जा; तरी बंद पंखे, कचरा, सांडपाण्याच्या समस्या

प्रवाशांची गैरसोय कशामुळे?

याबाबत स्थानकप्रमुख ए. के. सिंग यांनी सांगितले की, ‘कॉर्ड लाइन रेल्वे स्थानकाबाबत प्रवाशांच्या तक्रारींचा वरिष्ठ कार्यालयाला लेखी अहवाल पाठवला असून, येथील त्रुटी लवकरच दूर करण्यात येतील.’ मात्र, प्रवाशांना या आश्वासनांची पूर्तता कधी होणार याची प्रतीक्षा आहे. खराब रस्ते आणि रिक्षाचालकांच्या मनमानीमुळे प्रवाशांना स्थानकावर पोहोचणेही एक आव्हान बनले आहे. या सर्व समस्यांमुळे कॉर्ड लाइन रेल्वे स्थानक प्रवाशांसाठी गैरसोयीचे केंद्र बनले आहे.