घणसोली हे ठाणे-वाशी रेल्वेमार्गावरील महत्त्वाचे रेल्वेस्थानक आहे. या रेल्वेस्थानकातून दररोज शेकडो प्रवासी ये-जा करीत असतात. घणसोलीमध्ये माथाडी वस्ती मोठ्या प्रमाणात असल्यामुळे सकाळ-संध्याकाळी माथाडी कामगारांची रेल्वेस्थानकामधून मोठ्या प्रमाणात ये-जा सुरू असते. शिवाय महापे एमआयडीसीमध्ये कामासाठी जाणाऱ्या कामगारांना घणसोली रेल्वेस्थानक मध्यवर्ती पडत असल्याने तिकडे जाणाऱ्या प्रवाशांची संख्याही मोठी आहे. यामुळे घणसोली रेल्वेस्थानक नेहमी प्रवाशांनी गजबसलेले असते.

Mumbai Coastal Road: दोन दशकांहून जुनं नाना-नानी उद्यान ‘गायब’ होणार? 186 झाडं तोडून कोस्टल रोड बांधणार; उन्नत मार्गाचं काम सुरू

मात्र सध्या या रेल्वेस्थानकात वानवा आहे. फलाटावर सुविधांची रेल्वेस्थानकातून जाण्यासाठी प्रवाशांना अनेक वेळा साचलेल्या सांडपाण्यातून मार्ग काढत पुढे जावे लागते. रेल्वेस्थानकात विद्युत वाहिन्या सर्वत्र लोंबकळत असल्याचे चित्र दिसून येत आहे. रेल्वेस्थानकातील पंखे अध्येमध्ये बंद पडतात. काही पंखे फक्त शोभेसाठीच लावलेले आहेत. रेल्वेस्थानकात अनेक ठिकाणी भिंतींना लावलेल्या टाइल्स निघालेल्या आहेत. त्यामुळे रेल्वेस्थानक भकास वाटू लागले आहे. अस्वच्छता तर कायम दिसून येते.

पाणपोयी फक्त दिखाव्यासाठी

घणसोली रेल्वेस्थानकात असलेल्या पाणपोईची अवस्था बघवत नाही अशी आहे. ती अत्यंत अस्वच्छ आहे. पाणपोईमधील नळच गायब झालेले आहेत. तिथे पाणीच नाही. त्यामुळे प्रवाशांना फलाटावर पिण्याचे पाणी मिळत नाही. ही पाणपोई केवळ दिखाव्यासाठी उभारली आहे का ? असा प्रश्न यामुळे प्रवासी उपस्थित करत आहेत.

Thane Coastal Road: ठाण्याच्या खाडीवर बनवणार कोस्टल रोड, आठ महिन्यांत मोठा टप्पा पूर्ण; थेट वाढवण बंदर, कर्नाटक पोहचवणार मार्ग, पाहा Video

फेरीवाले, तृतीयपंथीयांचा कब्जा

रेल्वेस्थानकाच्या पश्चिमेला नागरी वस्ती आहे. त्यामुळे इथून रेल्वे स्थानकात येण्या जाणाऱ्या प्रवाशांची संख्या मोठी आहे. मात्र अनेक वेळा रेल्वेस्थानकातून बाहेर पडताना फेरीवाले आणि तृतीयपंथीयांचा प्रवाशांना त्रास सहन करावा लागतो. रेल्वे सुरक्षा दल याकडे लक्ष देत नसल्याची प्रवाशांची तक्रार आहे.

रेल्वेस्थानकाबाहेर भंगार, कचरा

रेल्वेस्थानकाबाहेर पूर्वेला ठाणे-तुर्भे मार्गाकडे असलेल्या पार्किंगमध्ये सध्या भंगार गाड्यांचा खच पडला आहे. त्यामुळे रेल्वेस्थानकाला बकाल स्वरूप आले आहे. मोठे प्रशस्त रेल्वेस्थानक असूनही पडलेल्या भंगारामुळे या रेल्वेस्थानकाची पार रया गेली आहे.