गुन्हा दाखल

शरीफा टाटा खान (नगरसेविका, चेंबूर, मुंबई), समीर चुंडमुंग, जहीर अमानुल्ला खान, इमान अमानुल्ला खान, नीलेश बाळकृष्ण ठाकूर, आनंद सिंग ऊर्फ बाबू शेठ ऊर्फ अंकल (रा. मुंबई व रांची, झारखंड), रेणू रामूसिंग ऊर्फ रेणू नीलेश ठाकूर, आशिष अगरवाल (रेल्वे अधिकारी), सुधीर गायकवाड, किशोर माळी (दोघेही बांधकाम विभाग, मुंबई), शामल मुखर्जी (मंत्रालय, मुंबई), अशी फसवणुकीचा गुन्हा दाखल झालेल्या संशयितांची नावे आहेत.

यूपीआय व्यवहाराद्वारे…

व्यवसायासाठी पैशांची गरज असल्याचे सांगून बँक ऑफ महाराष्ट्र, सायगाव (ता. जावळी) येथील खात्यामार्फत तसेच सातारा, सांगली, कोल्हापूर, अहिल्यानगर, सोलापूर व मुंबई येथे फिर्यादी शैलेश पवार यांनी संशयितांना रोख रक्कम व यूपीआय व्यवहाराद्वारे १ कोटी ८० लाख रुपये दिले होते. मात्र, पैसे परत द्यावे लागू नये म्हणून रेल्वे व बांधकाम विभागात भरती निघाली असल्याचे संशयितांनी त्यांना खोटे सांगितले.

Pune News: पुण्यात PMPML च्या चालत्या इलेक्ट्रिक बसला भीषण आग, 50 कामगार थोडक्यात बचावले, क्षणात बसचा सांगाडा…, आगीचं नेमकं कारण काय?

सगळंच बनावट

संशयितांनी भरती प्रक्रियेच्या अनुषंगाने मुलांना वेळोवेळी ई-मेल, व्हॉट्सअप, मेसेज व फोन करून नियुक्तीबाबत बनावट आदेश तयार केले. बांधकाम विभागाच्या कार्यालयात मुलाखती घेतल्या. अहिल्यानगर, सोलापूर व कोल्हापूर येथील जिल्हा रुग्णालयात मुलांच्या खोट्या वैद्यकीय तपासण्या केल्या. नेमणुकीचे खोटे पत्र तयार करून मला व मुलांना पाठविल्याचे शैलेश पवार यांनी फिर्यादीत नमूद केले आहे.

यासंदर्भात प्रतिक्रिया देताना मेढा पोलीस ठाण्याचे सहायक पोलीस निरीक्षक सुधीर पाटील म्हणाले, सध्या गुन्हा दाखल झाला आहे. परंतु, संशयित आरोपी हे मुंबईत वास्तव्यास असल्याने तिकडे जाऊन तपास करावा लागणार आहे. फिर्यादीच्या अनुषंगाने मेढा पोलिसांनी तपास सुरू केला आहे.