अशी झाली कारवाई

जिल्हा पोलिस अधीक्षक कुमार चिंता यांनी ड्रग्स बाळगणाऱ्यांवर व सेवन करणाऱ्यांविरोधात कठोर कारवाईचे आदेश दिल्यानंतर शिरपूर पोलिसांनी विशेष मोहीम हाती घेतली होती. त्यानुसार पुनवट येथे राहणारा व सध्या नागपूर येथे वास्तव्यास असलेला श्रेयश उर्फ गुड्डु शशिकांत पाटील (वय 24) हा वणीशिरपूर परिसरात एमडी (मेफेड्रोन) या सिंथेटिक ड्रग्सची विक्री करण्यासाठी येणार असल्याची गोपनीय व खात्रीशीर माहिती पोलिसांना मिळाली.

दोन पथके तयार केली

या माहितीच्या आधारे वरिष्ठांच्या मार्गदर्शनाखाली दोन पथके तयार करून चारगाववणी मार्गावर नाकाबंदी करण्यात आली. सायंकाळी चारगावकडून वणीकडे येणारी एक संशयित कार थांबवून तपासणी केली असता आरोपीजवळ 57.1 ग्रॅम एमडी ड्रग्स (अंदाजे किंमत 5 लाख 60 हजार रुपये) आढळून आला.

Air India Plane Crash: एअर इंडियाच्या पायलटनं मुद्दाम विमान पाडलं? सरकारकडून तातडीचं स्पष्टीकरण; सगळं सांगितलं

त्यानंतर पोलिसांनी आरोपीला ताब्यात घेऊन त्याच्याकडून ड्रग्स मोजण्यासाठी वापरण्यात येणारे तीन डिजिटल वजन काटे (15 हजार रुपये), एक मोबाईल फोन (70 हजार रुपये) तसेच तस्करीसाठी वापरलेली आलिशान कार (4 लाख रुपये) असा एकूण 9 लाख 82 हजार रुपयांचा मुद्देमाल जप्त केला.

ही कारवाई पोलिस अधीक्षक कुमार चिंता, अपर पोलिस अधीक्षक अशोक थोरात, उपविभागीय पोलिस अधिकारी सुरेश दळवे यांच्या मार्गदर्शनाखाली शिरपूर ठाणेदार संतोष मनवर, सहायक पोलिस निरीक्षक धीरज गुल्हाने, सुरज साबळे, इकबाल शेख, प्रशांत झोड, पंकज कुडमेथे, परमेश्वर दराडे, किरण दासरवार व सुनिल दुबे यांनी केली.