बॉयफ्रेंडची दुसऱ्या तरुणीसोबत जवळीक

सदर घटना मंगळवारी 10 फेब्रुवारी सकाळी साडेदहा वाजताच्या सुमारास घडली. शिफा शेख न्याहारीसाठी घराबाहेर आली असता अज्ञात व्यक्तीने तिच्यावर गोळीबार केला. तिला तातडीने शासकीय रुग्णालयात दाखल केलं असता डॉक्टरांनी तिला मृत घोषित केलं. तिच्या गालावर गोळीचा छेद आढळला. प्राथमिक तपासात लक्षात आलं की, नदीम आणि तबस्सूम यांच्यात प्रेमसंबंध होते. शिफा आणि नदीम यांची जवळीक दिसत असल्यामुळे तबस्सूमला राग आला होता आणि त्यातूनच शिफाची हत्या करण्याचा कट रचला गेला. तपासात असंही समोर आले की, तबस्सूमला हत्या करण्यासाठी पिस्तूल नदीमने दिले होते, तर या गुन्ह्यात तिच्या भाऊ साजिद आणि मित्र कलाम यांनी मदत केली. आरोपींना अटक केल्यानंतर पोलिसांनी त्यांना न्यायालयात हजर केले आणि पोलीस कोठडी सुनावली.
Buldhana Crime : वडील शिक्षक, आई सहशिक्षिका, तरीही पोटच्या मुलाकडे दुर्लक्ष; घरात कुणी नसताना लेकाचं टोकाचं पाऊल

प्रेमाच्या त्रिकोणातून हत्या

या घटनेनं गोवंडी परिसरात भीतीचं वातावरण निर्माण केलं असून स्थानिक नागरिकांमध्ये संताप आणि खळबळ पसरली आहे. पोलिसांनी घटनेची सखोल चौकशी सुरू केली असून, घटनास्थळातील साक्षीदार, सीसीटीव्ही फुटेज आणि आरोपींच्या सवयींचा अभ्यास करून पुढील तपास करत आहेत. विशेष म्हणजे, या प्रकरणातील पोलीस कारवाई आणि कोठडी सुनावणीमुळे गुन्हेगारांना कठोर संदेश दिला गेला आहे. तसेच प्रेमाच्या त्रिकोणातून झालेल्या हत्या प्रकारावर स्थानिक समाजाचं लक्ष वेधलं गेलं आहे. पोलीस प्रशासनानेही नागरिकांना सुरक्षिततेसाठी सतर्क राहण्याचं आवाहन केलं आहे.
Pune Budhwar Peth Crime: पुण्यातील बुधवार पेठेतील कारवाई प्रकरणी महत्त्वाची अपडेट; त्या दोघींना पोलिसांनी घेतलं ताब्यात, चार मुलींची…
दरम्यान, या घटनेनं प्रेमविवाद आणि वैयक्तिक मतभेद किती धोकादायक ठरू शकतात याची जिवंत उदाहरण प्रस्तुत केली आहे. नागरिकांनी अशा प्रकारच्या घटनांकडे दुर्लक्ष न करता तात्काळ माहिती पोलीस प्रशासनाकडे पोहोचवावी, असं आवाहन करण्यात आलं आहे.