कशामुळे झाडं तोडणार?

हे Vikhroli Pink Blossom विक्रोळी रेल्वे रुळांच्या बाजूला पूर्व दृतगती मार्गालगतच आहे. हा मार्ग विक्रोळी ते ठाणे जोडतो. या मार्गाचं विस्तारिकरणामुळे रस्त्याच्या बाजूची एकूण 706 झाडे बाधित होणार आहेत. यामधील 315हून अधिक झाडं तोडली जाणार आहेत. उर्वरित झाडे पुनर्रोपित केली जाणार आहेत. यामध्ये या पिंक ट्रम्पेट झाडांचाही समावेश आहे. वर्षभर मुंबईकर या फुलांची आतुर्तेनं वाट पाहत असतात, पण यंदा हे त्यांचं शेवटचं वर्ष असेल का हा सवाल प्रत्येकाच्या मनात आहे.Maharashtra Weather: राज्यात थंडी गायब, आता पडणार कडक ऊन; येत्या दोन दिवसांत मुंबई, पुण्यातील तापमानाचा पारा चढणार

घाटकोपर-ठाणे उन्नत मार्ग

MMRDA ने घाटकोपरमधील छेडा नगर ते ठाण्यातील आनंद नगरपर्यंत 12.95 किमी लांब उन्नत मार्ग उभारला जाणार आहे. यामुळे मुंबई ते ठाणे प्रवासाचा वेळ खूप कमी होणार आहे. परंतु, याच प्रकल्पाचा भाग म्हणून दृतगती मार्गाचा विस्तार होणार आहे आणि यामध्ये 125 पिंक ट्रम्पेट झाडं तोडली जाऊ शकतात. यामुळे एका पर्यावरण प्रेमीने हा मुद्दा न्यायालयासमोर मांडण्याचा निर्णय घेतला आहे. यामध्ये बीएमसीकडून या प्रकल्पाचा सविस्तर अहवाल मागवण्यात आला आहे. येत्या 27 फेब्रुवारीला या खटल्यासंदर्भात सुनावणी होणार आहे. या अहवालात नेमकी किती वृक्ष तोडणार, उपलब्ध असलेले पर्याय या सर्वाबद्दल माहिती मागवली आहे.

Vande Metro: लोकल प्रवास वंदे भारत इतका वेगवान! मुंबईत 238 ‘वंदे मेट्रो’ गाड्या, बंद दरवाजे, 12-18 डबे; कधी-किती भाडं?

महापालिकेने दिलेल्या माहितीनुसार या तोडलेल्या झाडांचं पुनर्रोपन केलं जाणार आहे. मुंबई मिररला एका अधिकाऱ्याने दिलेल्या माहितीनुसार, भांडूप कॉम्प्लेक्स नागरी जलशुद्धीकरण केंद्रात वृक्षारोपण केलं जाणार आहे. तसेच, संजय गांधी राष्ट्रीय उद्यानाच्या सीमेवरही झाडे लावली जातील. अशे एकूण 4000हून अधिक झाडं लावण्यात येणार आहेत. शिवाय बाधित झाडांचं स्थलांतर देखील केलं जाणार आहे अशी माहिती अधिकाऱ्यांनी दिली आहे.