कोणाला मिळाली संधी?

काल कल्याण-डोंबिवली महापालिकेसाठी अॅड. हर्षाली चौधरी-थवील यांची महापौरपदी निवड झाली असून उपमहापौर पदासाठी राहुल दमले यांची बिनविरोध निवड झाली आहे. यामुळे कल्याण-डोंबिवली महापालिकेतील प्रशासकीय राजवट अखेर संपुष्टात आली आहे. 1983 नंतर केडीएमसीमध्ये ही सर्वात मोठी प्रशासकीय राजवट होती.Thane Mayor Election : ठाण्यात शिवसेना-भाजपचं ठरलं! महापालिकेला महापौर-उपमहापौर मिळाले, कुणाला मिळाली संधी?

गेल्या महापालिका निवडणुकांनंतर ठरलेल्या महापौरांचा कार्यकाळ 2020मध्ये संपला. कोरोनासह इतर अनेक कारणांमुळे महापालिके निवडणुका लांबणीवर होत्या. अखेर 6 वर्षांनंतर 15 जानेवारी 2026 ला या निवडणुका पार पडल्या होत्या. त्यानंतर अखेर काल महापौर आणि उपमहापौरांची निवड झाली. 1983 मध्ये कल्याण डोंबिवली महानगरपालिका स्थापन झाल्यानंतर लागू झालेली प्रशासकीय राजवट तब्बल 1995 पर्यंत म्हणजेच तब्बल 12 वर्षे होती. या निवड प्रक्रियेनंतर राज्याचे उपमुख्यमंत्री अजित दादा पवार यांना सभागृहाद्वारे श्रद्धांजली वाहण्यात आली.

तीन नगरसेवक अनुपस्थित

मात्र, या निवडणूक प्रक्रियेतसुद्धा गोंधळ कायम होता. शिवसेना उबठा चे तीन नगरसेवक राहुल कोट, स्वप्नाली केणे आणि मधुर म्हात्रे महापौर आणि उपमहापौर निवडणुकीदरम्यान सर्वसाधारण सभागृहात अनुपस्थित राहिले. त्यांच्या अनुपस्थितीमुळे राजकीय वर्तुळात, विशेषतः पक्षाच्या अंतर्गत पातळीवर, तीव्र चर्चा सुरू झाली आहे. या अनुपस्थिति मुळे शिंदेंचे नगरसेवक सचिन पोटे यांनी उबठाच्या नगरसेवकांवर टीका केली. ‘तुम्ही निवडून आले तेव्हा क्रिकेटची टीम होती, मात्र इकडे सभागृहात येईपर्यंत ती कबड्डीची टीम झाली’ अशा शब्दांत टोला लगावला.

दरम्यान, नवीन नेतृत्व स्थापन झाल्यानंतर कल्याण-डोंबिवली परिसरातील नागरिकांनी महानगरपालिका आता पायाभूत सुविधांचा विकास, पाणीपुरवठा, रस्त्यांची दुरुस्ती, स्वच्छता आणि दीर्घकाळ प्रलंबित असलेल्या नागरिकांच्या तक्रारींच्या निराकरणावर ठोसपणे लक्ष केंद्रित करेल, अशी अपेक्षा व्यक्त केली आहे.