ठाणे महापालिका निवडणुकीत आज महापौर आणि उपमहापौर पदाची निवडणूक पार पडली. या निवडणुकीत विरोधकांकडून कुणीही अर्ज केला नसल्यामुळे महायुतीच्या उमेदावारांचा बिनविरोध विजय झाल्याचं जाहीर करण्यात आलं.
ठाणे महानगरपालिकेच्या भारतरत्न डॉ. बाबासाहेब आंबेडकर सभागृहात मंगळवारी विशेष सर्वसाधारण सभा आयोजित करण्यात आली होती. या सभेला पिठासीन अधिकारी म्हणून ठाण्याचे जिल्हाधिकारी श्रीकृष्णनाथ पांचाळ तसेच महापालिका सचिव मनीष जोशी उपस्थित होते. या सभेत महापौर आणि उपमहापौरपदाची निवडणूक पार पडली. या दोन्ही पदांसाठी विरोधी पक्षाकडून एकही अर्ज दाखल करण्यात आला नव्हता. त्यामुळे महापौरपदासाठी शिवसेनेकडून अर्ज दाखल केलेल्या शर्मिला पिंपळोलकर यांची आणि उपमहापौरपदासाठी अर्ज दाखल केले.
भाजपच्या कृष्णा पाटील यांची बिनविरोध निवड पिठासीन अधिकारी डॉ. श्रीकृष्णनाथ पांचाळ यांनी केली. महापौर आणि उपमहापौरपदाच्या निवडीची घोषणा झाल्यानंतर ठाणे महानगरपालिका आयुक्त सौरभ राव यांनी नवनिर्वाचित महापौर शर्मिला पिंपळोलकर आणि उपमहापौर कृष्णा पाटील यांचे तुळशीचे रोप देऊन अभिनंदन आणि स्वागत केले.
भगवे फेटे, उपरणे…तुतारीचा गजर
शिवसेना आणि भाजप युतीच्या नवनिर्वाचित नगरसेवकांनी भगवे फेटे आणि उपरणे परिधान करत पालिका सभागृहात प्रवेश केला. यावेळी महापौर आणि उपमहापौरांची निवड होताच तुतारीच्या गजरात आनंदोत्सव साजरा करण्यात आला. एकमेकांना मिठाई देत तोंड गोड करुन या निवडीचे उपस्थितांनी स्वागत केले.
महापौरांचा अल्पपरिचय
नाव : शर्मिला रोहित पिंपळोलकर (गायकवाड)
पत्ता : कोपरी कॉलनी, सिध्दार्थ नगर, ठाणे
जन्म : २५ जानेवारी १९८२
शैक्षणिक पात्रता : सध्या कलाशाखेच्या दुसऱ्या वर्गात शिकत आहे. बारावी व दहावी (मुंबई विद्यापीठ)
राजकीय कारकीर्द : शिवसेना नगरसेविका २०१७ ते २०२२ आणि २०२६ (प्रभाग क्र. २०)
नौपाडा कोपरी प्रभाग समिती अध्यक्ष २०१७ ते २०१९
ठाणे महानगर पालिका शिक्षण समिती सदस्य २०२१ ते २०२२
कोरोना योद्धा पुरस्कार २०२१ ते २०२२
उत्कृष्ट नगरसेविका पुरस्कार २०२५
महापौरपदी निवड झाल्यानंतर शर्मिला पिंपळोलकर यांची प्रतिक्रिया
“यंदा माझी नगरसेवक पदाची दुसरी टर्म असून गेली आठ वर्षे नगरसेवक म्हणून काम केल्यानंतर यंदा महापौरपदाची संधी शिवसेना मुख्य नेते व उपमुख्यमंत्री एकनाथ शिंदे यांच्या माध्यमातून मिळाल्याचा आनंद आहे. मी या पदाला न्याय देण्याचा प्रयत्न करेन. ‘ठाणे शहर’ आनंद दिघे यांचा बालेकिल्ला आहे. उपमुख्यमंत्री शिंदे यांनी ही ओळख कायम ठेवली असून येत्या काळात ठाणे शहर सुंदर, स्वच्छ करण्याकडे भर असेल”, अशी प्रतिक्रिया नवनिर्वाचित महापौर शर्मिला पिंपळोलकर यांनी दिली.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा