अजित पवार यांच्या पश्चात पत्नी सुनेत्रा पवार यांच्याकडे महाराष्ट्राचं उपमुख्यमंत्रिपद गेलं असतानाच पक्षाचे दोर मात्र प्रफुल पटेल यांच्याकडे जात असल्याचं सूतोवाच गोयल यांनी केलं होतं. विशेष म्हणजे पीटीआय वृत्तसंस्थेला दिलेल्या मुलाखतीत त्यांनी यासंबंधी भाष्य केल्याने त्याचं गांभीर्य वाढलं होतं. मात्र याबाबत तर्कवितर्काना उधाण येताच पटेल यांनी स्पष्टीकरण दिलं.

प्रफुल पटेल काय म्हणाले?

राष्ट्रवादी काँग्रेस पक्षाच्या राष्ट्रीय अध्यक्षपदी माझी नियुक्ती झाल्याबद्दलच्या बातम्या काही प्रसारमाध्यमांमध्ये दाखवल्या जात असून या बातम्या पूर्णपणे निराधार आहेत आणि त्यात काहीही तथ्य नाही असे स्पष्टीकरण राष्ट्रीय कार्याध्यक्ष खासदार प्रफुल पटेल यांनी ‘एक्स पोस्ट’ द्वारे दिले आहे.
Rupali Patil : अजित दादांच्या दोन्ही मूळ पायलटना उशीर, अचानक दोघंही बदलले; अपघात की घात? रुपाली पाटलांचे महत्त्वाचे सवाल
राष्ट्रवादी काँग्रेस हा लोकशाही तत्त्वांवर चालणारा पक्ष असून पक्षातील वरिष्ठ नेत्यांशी, आमदारांशी, पदाधिकाऱ्यांशी चर्चा करुन तसेच आमच्या सर्व पक्ष सदस्यांच्या भावना आणि सामूहिक इच्छेचा आदर करूनच याबाबतचा निर्णय घेतला जाईल असेही पटेल यांनी सांगितले. एक राष्ट्रीय पक्ष म्हणून, अशा बाबींमध्ये आम्ही विहित प्रक्रियेचे काटेकोरपणे पालन करतो असा स्पष्ट खुलासाही प्रफुल पटेल यांनी एक्स पोस्टमध्ये केला आहे.
Sunetra Pawar : शरद पवारांचे NDA मध्ये शिरकावाचे प्रयत्न? दिल्लीत मोठ्या हालचाली, सुनेत्रा पवारांच्या ‘वेगवान’ शपथविधीमागे दडलंय काय?

पीयूष गोयल यांचं स्पष्टीकरण

एका ज्येष्ठ पत्रकाराने मला चुकीची माहिती दिली की प्रफुल पटेल राष्ट्रवादी काँग्रेस पक्षाचे अध्यक्ष म्हणून निवडून आले आहेत. माहितीची पडताळणी न करता मी माध्यमांना काही विधाने केली, परंतु नंतर मला कळले की ती माहिती चुकीची आहे आणि राष्ट्रवादी काँग्रेस पक्ष उपमुख्यमंत्री श्रीमती सुनेत्रा अजितदादा पवार यांच्या नेतृत्वाखाली कार्यरत आहे. दिशाभूल करणाऱ्या माहितीबद्दल मी खेद व्यक्त करतो.