Jalgaon News: जळगाव हादरलं! दोन चिमुकल्यांसह ओल्या बाळंतिणीची मृत्यूला मिठी, स्वत:च्याच शेतातील विहिरीत…, काय घडलं असं?
चार-पाच दिवसांत होणार होता विवाह…
प्रसाद व आदित्य हे दोघे सख्खे चुलत भाऊ चांदवड येथील महाविद्यालयात शिक्षण घेतात. महाविद्यालयाची सुट्टी झाल्याने दोघे दुचाकीवर घरी जात होते. गणेश बर्डे व बाळू गोधडे हे वीटभट्टीवर काम करतात. विटांची गाडी भरून जेवणाचा डब्बा घेण्यासाठी ते निघाले होते. यावेळी हा भीषण अपघात घडला. मृत प्रसाद शिंदे आणि गणेश बर्डे हे त्यांच्या पालकांचे एकुलते एक मुलगे होते. गणेशचा चार ते पाच दिवसांत विवाह होणार होता. या दुर्घटनेमुळे त्यांच्या कुटुंबावर दुःखाचा डोंगर कोसळला आहे.

Solapur Crime : ‘आपलं आडनाव सारखं, तरीही…’; प्रेमविवाहाचा भावाला राग, हॉटेलमध्ये जेवायला बोलावून केला कांड, बहिणीसमोर पतीला संपवलं
तर दुसऱ्या एका घटनेत, सातारा-महाबळेश्वर मार्गावरील केळघर घाटात भीषण अपघात झाला असून, चालकाचा ताबा सुटल्याने एक मालवाहू ट्रक संरक्षक कठडा तोडून रस्त्यालगतच्या खोल नाल्यात कोसळला. या अपघातात ट्रकचा चक्काचूर झाला असून, चालकाचा जागीच मृत्यू झाल्याची दुर्दैवी घटना घडली आहे. हा मालवाहू ट्रक रोहा येथून साताऱ्याच्या दिशेने जात होता. या भीषण अपघातात ट्रकचालक अजिनाथ नागरगोजे (वय अंदाजे ३२, रा. यवनवाडी, जि. बीड) यांचा जागीच मृत्यू झाला. सहायक पोलिस निरीक्षक सुधीर पाटील, सहायक पोलिस निरीक्षक अश्विनी पाटील यांच्यासह स्थानिक ग्रामस्थ आणि रेस्क्यू टीमच्या पथकाने तातडीने घटनास्थळी धाव घेतली.