दादांना I Love You म्हणणारा कार्यकर्ता धायमोकलून रडला

महापालिकेच्या निवडणूक प्रचारावेळी पिंपरी-चिंचवड येथे अजित पवारांची एक सभा सुरु होती. यादरम्यान अजित दादा भाषण करत असताना अचानक एक कार्यकर्ताय गर्दीतून ओरडला, ‘अजित दादा I Love You’, ते एकूण अजित पवारांना हसू आवरले नाही. ते कार्यकर्त्याला मिश्किलपणे म्हणाले, घडाळ्याचं बटण दाब, ते लव्ह यू राहूदे बाजूला, घरी जाऊन बायकोला म्हण लव्ह यू, बायको म्हणेल आज लयच बिघडलाय गडी. अजित दादांचं हे उत्तर ऐकून संपूर्ण सभेत एकच हशा पिकला. ज्या अजित दादांना आपण लव्ह यू म्हणाले, आज त्यांना अखेरचा निरोप द्याला लागतोय, या भावनेने त्या कार्यकर्त्याचा कंठ दाटून आला.

पाहा तो व्हिडिओ:

साम टीव्हीसोबत बोलताना, दादांबाबतचा तो किस्सा सांगताना हा कार्यकर्ता ढसाढसा रडू लागला. कार्यकर्त्याने आपल्या भावनांना वाट मोकळी करुन देत सांगितलं की, मी दादा जवळ गेलो आणि दादांना म्हणालो, की दादा आय लव्ह यू. मला लव्ह यू म्हणण्यापेक्षा आपल्या बायको म्हण. ती आयुष्यभर तुझ्यासोबत खुश राहिल. मग मी माझ्या पत्नीला मेसेज पाठवला. माझ्या पत्नीनेही त्यावर सेम टू यू असा मेसेज पाठवला. नंतर तिने विचारलं, आज सूर्य कुणीकडून उगवला. तो मेसेज मी दादांना दाखवला, तेव्हा दादा खूप हसले. त्यांनी माझ्या गालावर लाडाने धापडही मारली, इतकं बोलताच या कार्यकर्त्याचा कंठ दाटून आला. त्याच्या अश्रुंचा बांध फुटला.
Ajit Pawar: रनवे दिसला की सांगतो! मग पायलट जोरात ओरडला; Mayday कॉल नाही, दादांच्या अपघातावेळी काय घडलं?

“राज्याला अनेक नेते भेटतील पण दादा भेटणार नाहीत”

पुढे तो म्हणाला की, पाठीवर पडणारा हात, जो कार्यकर्त्याला पाहिजे होता, तो आता नाही. या महाराष्ट्राला अनेक नेते भेटतील, पण दादा भेटणार नाही. आमचं स्वप्न होतं दादाला मुख्यमंत्री झालेलं पाहायचं होतं. मनात नेहमी ही गोष्ट टोचत राहिल.