कोण होते आलोक कुमार?

आलोक कुमार सिंग हे मुंबईतील प्रसिद्ध एनएम महाविद्यालयात शिक्षक म्हणून कार्यरत होते. शनिवारी त्यांच्या पत्नीचा वाढदिवस होता. संध्याकाळी ते पत्नीला बर्थडे डिनरसाठी बाहेर नेण्याचा प्लॅन करत होते. मात्र त्याआधीच ही दुर्दैवी घटना घडली. मालाड येथील कुरार गावात राहणाऱ्या आलोक कुमार यांची पत्नी पूजाला सुरुवातीला पतीचा अपघात झाला आहे, आणि त्यांना रुग्णालयात दाखल करण्यात आलं असून उपचार सुरु आहेत, अशी खोटी माहिती कुटुंबाकडून देण्यात आली. मात्र रविवारी सकाळी त्यांना पतीच्या मृत्यूची माहिती मिळाली आणि त्यांच्यावर आभाळ कोसळलं.
Pune Crime : लग्नात 55 तोळे सोनं अन् फॉर्च्युनर, आणखी 100 तोळ्यांसाठी छळ, पुण्यात शिवसेना नेत्याच्या सुनेचे गंभीर आरोप, कोर्टाने फटकारलं
आलोक आणि पूजा यांचं दोन वर्षांपूर्वी लग्न झालं होतं. ते घर घेण्यासाठी पैसे वाचवत होते. पूजा बीएड करत आहे. आलोक यांच्या कुटुंबात अनेक जण शिक्षक आहेत. त्यांची बहीण आणि काका यांचा शिक्षकी पेशात समावेश आहे. त्यांचे वडील अनिल कुमार हे संरक्षण मंत्री राजनाथ सिंह यांच्या सुरक्षा दलात कार्यरत आहेत, ते रविवारी मुंबईत पोहोचले.

पोलिसांनी फेशियल रेकग्निशन तंत्रज्ञानाचा वापर करून आरोपी ओमकार शिंदे याला २४ तासांच्या आत अटक केली. हे तंत्रज्ञान सीसीटीव्ही कॅमेऱ्यांमधील चेहऱ्यांची ओळख पटवून गुन्हेगारांचा माग काढण्यास मदत करते. या तंत्रज्ञानामुळेच पोलिसांना आरोपीचा शोध घेणे सोपे झाले.
दोन दिवस रजा, बॉसने तरुणीचे आठवड्याभराचे Lunch Break रद्द केले, महिला कर्मचाऱ्याचा टोकाचा निर्णय
आरोपी इमिटेशन ज्वेलरी आणि मेटल पॉलिशिंगचे काम करतो. त्याने हत्या करण्यासाठी छोटे चिमटे वापरले असावेत, असा पोलिसांचा अंदाज आहे. पोलिसांनी ते हत्यार जप्त करण्यासाठी शोध सुरू केला आहे.