या गंभीर प्रकारामुळे संतप्त झालेल्या मंत्री सरनाईक यांनी तेथे उपस्थित वरिष्ठ अधिकाऱ्यांना चांगलेच धारेवर धरले. या सर्व प्रकारामुळे अधिकारी-कर्मचाऱ्यांची भंबेरी उडाली.

प्रताप सरनाईक यांनी रविवारी परळ बसस्थानकाला अचानक भेट दिली. परगावी कर्तव्य बजावणाऱ्या चालक-वाहकांसाठी विश्रांतीगृहांत उत्तम सुविधा उपलब्ध करून देण्यासाठी शासन प्रयत्नशील आहे. मात्र, अशा ठिकाणी मद्यपानासारखे निंदनीय कृत्य घडत असल्याचे निदर्शनास येताच मंत्रिमहोदयांचा रागाचा अनावर झाला.
Ladki Bahin Yojana: मोठी अपडेट! ‘या’ लाडक्या बहिणींचे 1500 रुपये होणार कायमचे बंद; काय कारण?
मद्यपान करून कर्तव्यावर जाणारा कर्मचारी केवळ अपघाताला निमंत्रण देत नाही, तर एसटीच्या सुरक्षित व विश्वासार्ह प्रवासावरही प्रश्नचिन्ह निर्माण करतो. अशा बेजबाबदार कर्मचाऱ्यांना चौकशीअंती सेवेतून बडतर्फ करण्यात येईल, असा इशारा सरनाईक यांनी यावेळी अधिकारी आणि कर्मचाऱ्यांना दिला. कचऱ्याच्या डब्याच्या तपासणीत देशी दारूच्या बाटल्या सापडल्यावर सरनाईक यांना उत्तर देताना अधिकाऱ्यांची दमछाक झाली. शेवटी चालक वाहक यांना मद्यपानावरून तंबी देत असताना यापुढे असे प्रकार खपवून घेतले जाणार नाहीत, असा सज्जड इशारा मंत्रिमहोदयांनी दिला.

BMC Election : शिंदेसेना मागे, ठाकरेसेना आगे; महापालिका समित्यांवर भाजप-उबाठाचा वरचष्मा, मनसे आणि MIM ही…
अशा प्रकारांना वेळीच आळा न घालणारे अकार्यक्षम अधिकारीही तितकेच जबाबदार असल्याचे स्पष्ट करत मंत्री सरनाईक म्हणाले की, एसटीचे सुरक्षा व दक्षता खाते आणि संबंधित अधिकारी यांच्या दुर्लक्षामुळेच अशा बेशिस्त वर्तनाला खतपाणी मिळते. त्यामुळे संबंधित सुरक्षा व दक्षता अधिकाऱ्यांची विभागीय चौकशी करून त्यांच्यावर कठोर कारवाई करण्याचे निर्देश त्यांनी दिले. पाहणीत आढळून आलेल्या गैरप्रकारांबाबत स्वतंत्र विभागीय चौकशी समिती नेमून, अहवालाच्या आधारे दोषींवर कडक कारवाई करण्याचे निर्देश देण्यात आले. या दौऱ्यात मंत्री सरनाईक यांनी बसस्थानकातील स्वच्छता, प्रसाधनगृहे आणि बसेसच्या नियोजनाचीही पाहणी केली.

Alok Singh Death : आलोकचा छोटासा अपघात झालाय आणि तो… कुटुंबाने लपवलं; वाढदिवशीच पूजाला समजली भयंकर बातमी, दुसऱ्या दिवशी नवऱ्याचा…
यापुढे कर्तव्यावर जाणाऱ्या प्रत्येक कर्मचाऱ्याची, विशेषतः चालकांची ब्रेथ अॅनालायझरद्वारे चाचणी अनिवार्य करावी. चाचणीत दोषी आढळल्यास संबंधित कर्मचाऱ्याला तात्काळ निलंबित करण्यात येईल. – प्रताप सरनाईक, परिवहनमंत्री