एम पूर्व प्रभाग समितीत एमआयएमचे नगरसेवक आणि कुर्ला एल वॉर्डमध्ये शिवसेनेचे नगरसेवक जास्त असल्याने या प्रभाग समितीच्या चाव्या त्यांच्या हातात आहेत. शिवसेनेचे २९ नगरसेवक असूनही केवळ एकाच प्रभाग समितीत त्यांची आघाडी राहणार आहे. या महापालिका निवडणुकीत एमआयएमचे आठ नगरसेवक निवडून आले आहेत. कोटा आणि निश्चित केलेल्या सूत्रानुसार स्थायी, सुधारसह अन्य समित्यांवर भाजपचे आणि त्यानंतर शिवसेना (उबाठा) पक्षाचे वर्चस्व आहे. मात्र १८ प्रभाग समित्यांपैकी (२५ वॉर्डच्या मिळून) नऊ प्रभाग समित्यांमध्ये भाजपचे जास्त नगरसेवक निवडून आल्याने या समित्याही त्यांच्याच हातात आहेत. याव्यतिरिक्त ए, बी आणि ई प्रभाग समितीत भाजप आणि काँग्रेसचे प्रत्येकी चार नगरसेवक असून त्याखालोखाल अन्य पक्षाचे नगरसेवक आहेत.
Pune Crime : डेटिंग ॲपवर तरुणाशी ओळख, पुण्यातील युवक भुलला, कोंढव्यातील पेट्रोल पंपावर गेला, पण तिथे चौघांनी मिळून…
उर्वरित समित्यांपैकी पाच समित्यांवर शिवसेना (उबाठा) पक्षाची आघाडी असून यामध्ये एफ दक्षिण आणि एफ उत्तर प्रभाग समिती, जी दक्षिण प्रभाग समिती, जी उत्तर प्रभाग समिती, एच पूर्व आणि एच पश्चिम प्रभाग समिती तसेच के उत्तर प्रभाग समितीचा समावेश आहे. त्यांच्या नगरसेवकांची संख्या जास्त आहे. तर अन्य पक्षाचे नगरसेवक कमी असून त्यांचे प्रभाग समिती सदस्य कमी असतील.

शिवसेनेच्या कुर्ला एल वॉर्ड प्रभाग समितीतील सदस्य संख्या ही पाच असून त्या खालोखाल उबाठाचे चार, भाजपचे दोन, काँग्रेसचे तीन, राष्ट्रवादी काँग्रेस (अजित पवार) दोन नगरसेवक या प्रभाग समितीचे सदस्य असतील. एमआयएमचे एम पूर्व वॉर्डमध्ये आठ नगरसेवक निवडून आले असून त्यांचे या प्रभाग समितीत सदस्य संख्या जास्त असेल, अशी माहिती सूत्रांनी दिली. तर शिवसेनेचे चार, भाजपचे दोन आणि उबाठाचे दोन नगरसेवक इथून निवडून आले आहेत. १८ प्रभागांपैकी या दोन प्रभागात शिवसेना, एमआयएम आघाडीवर आहे.
Santosh Nalawade : उद्धव ठाकरेंसोबत राहणं धोक्याचं; मनसेची साथ सोडून बडा नेता शिवसेनेत; म्हणाला, उबाठाने केसाने गळा कापला

सप, मनसेलाही वाटा

मनसेचे मुंबईतून सहा नगरसेवक निवडून आले असून एफ दक्षिण आणि एफ उत्तर, जी उत्तर, के उत्तर, पी पूर्व आणि पश्चिम, एस आणि टी प्रभाग समिती (मुलुंड) तर एन प्रभाग समितीवर प्रत्येकी एक नगरसेवक असेल. समाजवादी पक्षाचे दोन सदस्य प्रभाग समितीत असतील.