राज्यातील महापालिका निवडणुकांचे निकाल लागल्यानंतर आता सत्ता स्थापनेसाठी आणि महापौरपदासाठी जोरदार रस्सीखेच सुरू आहे. ‘सत्ता मिळाली नाही म्हणून आमचा जीव तडफडत नाही. आम्ही सत्तेसाठी हपापलेले लोक नाहीत. भाजपला सत्तेची जी हाव सुटलेली आहे, ती आज संपूर्ण महाराष्ट्राला दिसतेय. ज्या पद्धतीने त्यांनी पैशांचा अफाट वापर करून निवडणुका लढवल्या आणि जिंकल्या, त्यावरून त्यांची लोकशाहीवरील निष्ठा दिसून येते’, असे राऊत म्हणाले.

राऊत यांनी यावेळी भाजपच्या राजकारणावर टीकास्त्र डागले. ‘आज जे राजकारण सुरू आहे, तो बाळासाहेबांचा विचार नक्कीच नव्हता. जेव्हा बाळासाहेबांना या भ्रष्ट राजकारणाची घृणा वाटू लागली, तेव्हा त्यांनी अत्यंत परखड भाषेत आपली नाराजी व्यक्त केली होती’, असे ते म्हणाले. राज्यातील विविध महापालिकांमध्ये सत्ताथापनेसाठी गणिते जुळवण्यात येत असून त्या पार्श्वभूमीवर विविध पक्षांचे गट एकत्र येत आहेत. त्यामुळे शिवसेना उबाठाची भूमिकाही निर्णायक ठरणाऱ्या ठिकाणांबाबत पक्षाकडून भूमिका स्पष्ट करण्यात आली आहे.

एक दिवस मी..; बाळासाहेबांचा निश्चय, समोर महाजन; राज ठाकरेंनी सांगितला किस्सा, ‘तो’ शब्द खरा ठरला
मुंबईची दुर्दशा केल्याने पराभव
शिवसेना-भाजप ही विकासासाठी युती आहे. त्यांच्यासारखी एखाद्याला खड्ड्यात घाल, दुसऱ्याला वर काढू, अशी आमची युती नाही. निवडणुकीत युती करून त्यांनी दुसऱ्याला खड्ड्यात घातले, असा टोला उपमुख्यमंत्री शिंदे यांनी लगावला. शिवसेनेचा अजेंडा सत्ता आणि खुर्चीचा नाही. त्यामुळेच मुंबईकरांनी आमच्यावर विश्वास ठेवला, असे ते म्हणाले. मुंबईकरांना २५ वर्षे खड्ड्यात घातल्यामुळे, प्रदूषण आणि भ्रष्टाचाराने मुंबईची दुर्दशा केल्यामुळेच त्यांचा महापालिका निवडणुकीत पराभव झाला, अशी टीका शिवसेना नेते व उपमुख्यमंत्री एकनाथ शिंदे यांनी शिवसेना उबाठा पक्षावर केली. शिवसेना भाजप युती मजबूत असून मुंबई, ठाणे, कल्याण-डोंबिवली, उल्हासनगर येथे महायुतीचाच महापौर बसेल, असेही शिंदे यांनी स्पष्ट केले.