वीज वितरण कंपनीने बुधवारी सकाळी संबंधित खासगी रुग्णालयाचा वीजपुरवठा खंडित केला होता. त्याचवेळी रुग्णालयात इस्लामुद्दीन नझरुद्दीन लोहार (रा. म्हसावद, ता. शहादा) यांच्यावर उपचार सुरू होते. रात्रभर सुरळीत ऑक्सिजनपुरवठा त्यांना मिळाला नसल्याने गुरुवारी त्यांची प्राणज्योत मालवली. या घटनेमुळे मयताच्या नातेवाइकांनी संताप व्यक्त केला. वीज नसल्यामुळे रुग्णालय प्रशासनाला रुग्णांना उघड्यावर उपचार देण्याची वेळ आली. काही रुग्णांना तातडीने शहादा येथे हलवण्यात आले, तर काही रुग्णांवर सध्या दुसऱ्यांकडून वीजपुरवठा घेऊन उपचार सुरू आहेत.

Dhule Accident : प्रियंकाचं काय चुकलं? विज्ञान शाखेच्या हुशार विद्यार्थिनीच्या दुर्देवी मृत्यूने धुळ्यात हळहळ, कॉलेजवरून जाताना नेमकं काय घडलं?
दरम्यान, म्हसावद ग्रामीण रुग्णालयाची इमारत सध्या बांधकामात असल्याने, हे रुग्णालय राणीपूर येथे स्थलांतरित करण्यात आले आहे. परिणामी म्हसावदच्या ५० किलोमीटरच्या परिसरात एकही शासकीय रुग्णालय उपलब्ध नसल्याने नागरिकांना खासगी रुग्णालयांवरच अवलंबून राहावे लागत आहे. अशा परिस्थितीत महावितरणकडून खासगी रुग्णालयावर करण्यात आलेली कारवाई ही अत्यंत बेजबाबदार असून, रुग्णांच्या जीवाला धोका निर्माण करणारी असल्याचा आरोप होत आहे. ग्रामीण भागात वारंवार वीज खंडित होत असल्यामुळे रुग्णांना नाहक त्रास सहन करावा लागतो.

Sangli Crime: नर्सरीतील शेडला भीषण आग; दाराला कडी लाऊन पती पळाला, विवाहितेचा होरपळून मृत्यू, सांगली हादरलं
वीज बिल भरूनही आमच्या रुग्णालयाचा वीजपुरवठा कापण्यात आला. यामुळे ऑक्सिजनवर असलेल्या रुग्णांना मोठा धोका निर्माण झाला. वीज नसल्यामुळे आम्हाला रुग्णांना रस्त्यावर उपचार द्यावे लागले. हा अत्यंत गंभीर प्रकार आहे. –डॉ. श्रीरात पवार

संबंधित डॉक्टरांनी घरगुती मीटरवरून दवाखाना व मेडिकल या ठिकाणी वीजपुरवठा सुरू केल्याचे दिसून आल्याने वीजपुरवठा खंडित करण्यात आला होता. घरगुती वीज मीटरवरून व्यवसायासाठी वीज वापरणे अवैध असल्याने वीजपुरवठा खंडित केला होता. – युगल प्रसाद, कार्यकारी अभियंता, म्हसावद, शहादा