पर्यटन केंद्र होणार

महाराष्ट्राची कुलस्वामिनी आई तुळजाभवानीचे मंदिर व तुळजापूर शहराचा नियोजित विकास साधण्यासाठी तयार करण्यात आलेल्या तुळजापूर विकास आराखड्यासाठी एकूण १,८६५ कोटी रुपयांचा निधी मंजूर करण्यात आला आहे. भाविकांना मूलभूत सुविधा उपलब्ध करून देणे, शहरातील वाहतूक व गर्दीचे नियोजन करणे, ऐतिहासिक व धार्मिक स्थळांचा जतन करणे तसेच तुळजापूरला जागतिक दर्जाचे धार्मिक व सांस्कृतिक पर्यटन केंद्र करणे हा या आराखड्याचा उद्देश आहे. या आराखड्यात भाविक सुविधा केंद्र, वाहनतळ, हरितीत पथ, इलेक्ट्रिक वाहन चार्जिंग सुविधा व ऐतिहासिक मंदिरांचा जीर्णोद्धार अशा विविध कामांचा समावेश आहे.Mahalakshmi Bridge: मुंबईत रेल्वे रुळांवरून जाणार ‘केबल-स्टेड’ पूल, 55% काम पूर्ण; महालक्ष्मी, सात रस्ता… कुठून-कुठे जोडणार?

या विकास आराखड्याच्या अनुषंगाने रामदरा तलावाच्या माथ्यावर असलेल्या डोंगरावर आई तुळजाभवानी देवी व छत्रपती शिवाजी महाराज यांची भव्य अश्वारुढ प्रतिमा उभारण्यात येणार असून १०८ फूट उंच शिल्प उभारण्याचा प्रस्ताव सादर करण्यात आला आहे. तलाव परिसरात शिल्प एकरूप दृश्यरूपाने दिसेल, अशी नियोजनबद्ध आखणी करण्यात आली आहे. हे शिल्प भाविकांच्या दर्शनानुभवाला अधिक स्मरणीय करेल, असा विश्वास सार्वजनिक बांधकाम विभागाच्या अतिरिक्त मुख्य सचिव मनीषा पाटणकर म्हैसकर यांनी व्यक्त केला.

Thane-CSMT: ठाणे-सीएसएमटी प्रवास होणार सुलभ! शीव उड्डाणपुलाला समांतर 150 कोटींचा आणखी एक पूल; कसा असेल मार्ग?

कसं असेल शिल्प?

हे शिल्प केवळ एक स्थापत्य घटक नसून राज्याच्या सांस्कृतिक, ऐतिहासिक व आध्यात्मिक अस्मितेचे प्रभावी प्रतीक आहे. देवी भवानी व छत्रपती शिवाजी महाराज यांचे नाते स्वराज्य, धर्म, न्याय व लोककल्याणाच्या मूल्यांचे द्योतक असून, या ऐतिहासिक क्षणाचे शिल्परूप दर्शन भाविकांमध्ये श्रद्धा, प्रेरणा व अभिमान निर्माण करेल. हे शिल्प दूरून नजरेस भरणारे ठरणार आहे.

‘या शिल्पकृतीचे अंतिम स्वरूप ठरविण्यासाठी ऐतिहासिक व पौराणिक संदर्भांचा अभ्यास करून राष्ट्रीय स्तरावरील स्पर्धा आयोजित करण्यात आली असून त्यानुसार पाच शिल्पे निवडण्यात आली आहेत. तज्ज्ञ समितीद्वारे यातून अंतिम शिल्पाची निवड झाल्यानंतर त्याची ब्रॉन्झमध्ये उभारणीसाठी निविदा प्रक्रिया राबविण्यात येईल. प्रकल्पासाठी टाटा सामाजिक विज्ञान संस्थेकडून मिळालेल्या १० एकर जागेचा वापर होणार आहे. हे शिल्प मंदिर, तलाव व शहर यांच्याशी सुसंगत वास्तुरचनेत उभारण्यात येणार आहे. त्यामुळे तुळजापूरच्या धार्मिक पर्यटनाचा प्रमुख आकर्षणबिंदू ठरेल’, असा विश्वासही म्हैसकर यांनी व्यक्त केला.