केबलअधारित पुलासाठी ७८.५ मीटर उंचीचा पायलॉन उभारण्यात येत आहे. त्याचे ५५ टक्के काम पूर्ण झाले आहे. पायलॉनसह पोहोच रस्ते, तसेच सर्व अनुषंगिक कामे वेळेत पूर्ण करून ३१ ऑक्टोबरपर्यंत उड्डाणपूल पूर्ण तयार करण्याच्या दृष्टीने नियोजन करण्याचे निर्देश मुंबई महापालिका अतिरिक्त आयुक्त अभिजीत बांगर यांनी गुरुवारी दिले.

Thane-CSMT: ठाणे-सीएसएमटी प्रवास होणार सुलभ! शीव उड्डाणपुलाला समांतर 150 कोटींचा आणखी एक पूल; कसा असेल मार्ग?

कसा असेल हा उड्डाणपूल?

महालक्ष्मी येथे होणारी वाहतूककोंडी फोडण्यासाठी हा नवीन पूल बांधण्यात येत आहे. याच्या विकास नियोजन आराखड्यानुसार सुरू असलेल्या कामाची बांगर यांनी पाहणी केली. रेल्वे रुळांवरील महापालिकेचा हा पहिला केबलआधारित पूल आहे. महालक्ष्मी रेल्वे स्थानकानजीक पश्चिम रेल्वेवरून सात रस्ता ते महालक्ष्मी मैदान यांना तो जोडतो. या पुलाची लांबी ८०३, तर रुंदी १७.२ मीटर आहे. रेल्वे हद्दीतील रुंदी २३.०१ मीटर आहे. उड्डाणपुलाच् या बांधकामात येणाऱ्या झाडांचे संरक्षण व् हावे, यासाठी महापालिकेने संरेखनात योग्य ते बदल केले आहेत.

‘पायलॉन’ ची वैशिष्ट्ये काय?

केबलअधारित पुलाच्या संरचनेतील ‘पायलॉन’ हा अत्यंत महत्त्वाचा आणि भारवहन करणारा घटक आहे. त्यावर उड्डाणपुलाच्या ‘डेक’ला आधार देणाऱ्या केबल ताणलेल्या असतात. प्रस्तावित पुलासाठी ७८.५ मीटर उंचीचा पायलॉन उभारण्यात येत असून, ही उंची आणि त्याची रचना अभियांत्रिकीच्या दृष्टीने विशेष आव्हानात्मक आहे. पायलॉनची रचना प्रगत अभियांत्रिकी तंत्रज्ञानाचा वापर करून करण्यात आली आहे. त्यामध्ये उच्च दर्जाचे काँक्रिट व मजबूत पोलादी घटकांचा समावेश आहे.

Amrit Bharat Express: मुंबई-अहमदाबाद मार्गावर धावणार ‘अमृत भारत एक्सप्रेस’, आजपासून होणार चाचणी फेऱ्या; काय आहेत वैशिष्ट्ये?

वारा, भूकंप, वाहतुकीचा भार, तसेच दीर्घकालीन वापर यांचा विचार करून या पायलॉनची स्थिरता व टिकाऊपणा सुनिश्चित करण्यात आला आहे. पायलॉन उभारणीसाठी अत्याधुनिक व पायलॉनच्या उंचीपेक्षा अधिक उंच असणारी क्रेन कार्यस्थळी स् थापित करण्यात आली आहे. या क्रेनच्या साह्याने टप्प्याटप्प्याने पायलॉनची उभारणी केली जात आहे.