जळगाव महापालिकेच्या महापौर पदाचे आरक्षण आज मुंबई येथून जाहीर झाले आहे. जळगाव महापौर पदासाठी महिला ओबीसी प्रवर्गाला आरक्षण सोडत निघाली आहे. आता नेमकं या महत्त्वाच्या खुर्चीवर निष्ठावान बसणार की नेत्यांच्या जवळीक असणाऱ्यांना संधी मिळणार? याकडे सर्वांचे लक्ष लागले आहे.
जळगाव महानगरपालिकेत भाजपच्या गटनेतेपदी कालच प्रकाश बालाणी तर शिवसेनेच्या गटनेतेपदी विष्णू भंगाळे यांची नियुक्ती करण्यात आली. यानंतर सर्वांना उत्सुकता होती ती म्हणजे जळगाव महानगरपालिकेचे महापौरपद कोणत्या वर्गाला मिळेल? अखेर आज ते स्पष्ट झालं आहे. जळगाव महापालिकेचं महापौर पद हे महिला ओबीसींसाठी राखीव निघाले असल्याने अनेकांच्या नजरा महापौरपदाच्या खुर्चीकडे लागले आहे.
भाजपला 46 जागांवर यश आल्याने भाजपचाच महापौर होणार असल्याचं मानलं जात आहे. त्यामुळे भाजपमधूनच महापौर पदासाठी चांगलीच रस्सीखेच बघायला मिळणार आहे. यात निष्ठावान म्हणून भाजपच्या बिनविरोध निवडून आलेल्या उज्वला बेंडाळे या सलग तिसऱ्यांदा निवडून आल्या आहेत. त्या अनेक वर्षांपासून जळगाव महानगरपालिकेच्या राजकारणात सक्रिय आहेत. तसेच आमदार सुरेश भोळे यांच्या त्या निकटवर्तीय मानल्या जातात. त्यांना महापौर पदाची संधी मिळू शकते, अशी शक्यता वर्तवली जात आहे.
दुसरीकडे आमदार मंगेश चव्हाण यांचे निकटवर्तीय समजल्या जाणाऱ्या वैशाली अमित पाटील यांचं देखील नाव चर्चेत आहे. निवडणुकीत ऐनवेळेस उमेदवारी अर्ज दाखल करायला लावून मंगेश चव्हाण यांनी त्यांना बिनविरोध निवडून आणण्यामध्ये सिंहाचा वाटा होता. मंगेश चव्हाण हे जळगाव महानगरपालिकेच्या निवडणुकीमध्ये प्रभारी होते. वैशाली पाटील या मंगेश चव्हाण यांच्या निकटवर्तीय मानल्या जातात. त्यामुळे त्यांची देखील या ठिकाणी वर्णी लागू शकते.
या शर्यतीत दीपमाला काळे यांचं देखील नाव चर्चेत आहे. त्या भाजपच्या एकनिष्ठ कार्यकर्त्या आहेत. त्यांची देखील महापौर पदासाठी वर्णी लागू शकते. पण आमदार सुरेश भोळे हे जळगाव शहराचे आमदार आहेत. त्यामुळे महापौर पद हे सुरेश भोळे यांच्या मर्जीतीलच एकाद्या व्यक्तीकडे असावे, असा प्रयत्न देखील सुरेश भोळे करीत असल्याची माहिती आहे. दुसरीकडे जळगाव महानगरपालिकेवर मंत्री गिरीश महाजन आणि मंगेश चव्हाण यांच्याच मर्जीतील महापौर बसला गेला पाहिजे असे प्रयत्न असण्याची शक्यता आहे. करण महापालिकेमध्ये चालणारा कारभार हा मंत्री गिरीश महाजन यांना कळावा यासाठी मंत्री गिरीश महाजन आणि आमदार मंगेश चव्हाण यांच्याच निकटवर्तीयांची त्या ठिकाणी वर्णी लागू शकते, अशी राजकीय वर्तुळात चर्चा आहे.
भाजपच्या निष्ठावान म्हणून ओळखल्या जाणाऱ्या गायत्री या देखील तिसऱ्यांदा निवडून आलेल्या आहेत. तर अंकिता पंकज पाटील यांची देखील या ठिकाणी वर्णी लागू शकते. या देखील बिनविरोध निवडून आल्या आहेत. त्या मंत्री गुलाबराव पाटील यांच्या जवळच्या नातेवाईक आहेत. पण एकंदरीत बघता जळगाव महानगरपालिकेचा महापौर हा मंत्री गिरीश महाजन यांचा निकटवर्ती होतो की जळगाव शहराचे आमदार सुरेश भोळे यांचा निकटवर्ती होतो हे पाहणे तितकेच महत्त्वाचे ठरेल.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा