उल्हासनगर महापालिका निवडणुकीनंतरही शिवसेना आणि भाजप यांच्यात अंतिम निकालापर्यंत अटीतटीची लढत सुरू होती. ७८ जागांच्या निकालानंतर भाजप ३७ तर शिवसेनेने ३६ जागांवर विजय मिळवला होता. शिवसेना साई युतीच्या एका उमेदवारामुळे शिवसेना महायुतीचे संख्याबळ ३७ झाले. त्यात एका अपक्ष नगरसेविकेने शिवसेनेत प्रवेश केल्याने शिवसेनेचे संख्याबळ ३८ झाले होते. या निवडणुकीत वंचितचे दोन व काँग्रेसचा एक नगरसेवक निवडून आला.

मागील दोन दिवस खासदार डॉ. श्रीकांत शिंदे यांच्या संपर्कात असलेल्या वंचितच्या नगरसेविका सुरेखा सोनावणे आणि विकास खरात यांनी मुंबईत उपमुख्यमंत्री एकनाथ शिंदे यांची भेट घेऊन शिवसेनेला अधिकृत पाठिंब्याचे पत्र दिले आहे.
BMC Election 2026 : मुंबईचा पुढचा महापौर भाजपचा पहिला नसणार! धक्कादायक माहिती समोर, नेमकं काय प्रकरण?

वंचितला उपमहापौरपद?

प्रभागाचा सर्वांगीण विकास करत दलित वस्ती सुधार योजनेअंतर्गत प्रभागातील रखडलेली विकासकामे मार्गी लावण्यासाठी आम्ही शिवसेनेला पाठिंबा दिला आहे, असे वंचितच्या नगरसेवकांनी सांगितले आहे. त्यामुळे सत्तेची सूत्रे आपल्या हाती ठेवणाऱ्या वंचितला उपमहापौरपदासह महत्त्वाची पदे मिळण्याची शक्यता आहे.
BMC Election 2026 : काठावर बहुमत, महायुतीची कसरत; स्थायी समितीत ठाकरेंचे 8 नगरसेवक, तर शिंदेंच्या शिवसेनेच्या तिप्पट…

महापौर निवडीच्या घडामोडींना वेग

मुंबईसह राज्यातील २९ महानगरपालिकांच्या महापौरपदावर कोणाची वर्णी लागते, याकडे सगळ्यांचे लक्ष लागून राहिलेले असतानाच अखेर यासंदर्भातील महत्त्वपूर्ण घोषणा सोमवारी नगरविकास विभागाने केली. या २९ महानगरपालिकांसाठी गुरुवार, २२ जानेवारी रोजी आरक्षण सोडत काढली जाणार आहे. त्यामुळे आता महापौर निवडीसंदर्भातील राजकीय घडामोडींना वेग आला आहे.
KDMC Election Results : महापौर निवडीआधीच घात? ठाकरेंचे चार नगरसेवक अचानक नॉट रिचेबल, घराच्या दरवाजावर…

कोणकोणत्या महापालिकांचा समावेश?

मुंबई, नवी मुंबई, ठाणे, मिरा-भाईंदर, कल्याण-डोंबिवली, उल्हासनगर, वसई-विरार, भिवंडी-निजामपूर, पनवेल, नाशिक, अहिल्यानगर, मालेगाव, धुळे, जळगाव, पुणे, पिंपरी-चिंचवड, सांगली, कोल्हापूर, इचलकरंजी, सोलापूर, छत्रपती संभांजीनगर, परभणी, जालना, लातूर आणि नांदेड.