काय सांगते आकडेवारी?

मुंबई महापालिकेत महायुतीमध्ये कुणाचा महापौर होणार, हे अद्याप गुलदस्त्यात असले, तरी महत्त्वाच्या पालिका समित्यांमध्ये कोणत्या पक्षाला किती स्थान मिळणार याचा आकडा निश्चित झाला आहे. त्यानुसार वजनदार असलेल्या स्थायी समितीमध्ये भाजपच्या १०, शिवसेना उबाठाच्या ८, एकनाथ शिंदे यांच्या शिवसेनेच्या ३ तर मनसे व एमआयएमच्या प्रत्येकी एका नगरसेवकाला स्थान मिळेल. नगरविकास विभागाने ठरवून दिलेल्या नियमानुसार, महापालिका प्रशासनाने निवडून आलेल्या नगरसेवकांच्या आकडेवारीनुसार कोणत्या राजकीय पक्षाला किती स्वीकृत नगरसेवक करता येतील तसेच कोणत्या समित्यांमध्ये त्यांना किती प्रतिनिधित्व देता येईल, याची आकडेवारी तयार केली आहे. त्यानुसार मुंबई महापालिकेत २२७ नगरसेवकांच्या बळावर एकूण १० स्वीकृत नगरसेवक नेमता येतात.

स्वीकृत नगरसेवक कोणाचे किती?

भाजपचे ८९ नगरसेवक निवडून आल्याने ३.९२ टक्क्यांनुसार त्यांना ४ स्वीकृत नगरसेवक बनवता येणार आहेत. शिवसेनेचे २९ नगरसेवक आल्याने त्यांना १.२८ टक्क्यांनुसार केवळ १, शिवसेना उबाठा पक्षाचे ६५ नगरसेवक निवडून आल्याने त्यांना २.८६ टक्क्यांनुसार ३ व काँग्रेसचा १ स्वीकृत नगरसेवक असेल. म्हणजेच शिंदेंच्या शिवसेनेच्या तिप्पट स्वीकृत नगरसेवक बनवता येणार आहेत. मनसे, दोन्ही राष्ट्रवादी काँग्रेस तसेच समाजवादी पक्षाचे जेमतेम नगरसेवक निवडून आल्याने त्यांचे यामध्ये प्रतिनिधित्व नसेल. विशेष म्हणजे एमआयएमचे ८ नगरसेवक निवडून आल्याने त्यांना एक स्वीकृत नगरसेवक नेमता येणार आहे.
Sandip Joshi : देवेंद्रजी माफ करा, पण आता मला थांबायचंय! फडणवीसांच्या जवळच्या ‘आमदार’ मित्राची तडकाफडकी राजकीय निवृत्ती, सत्तेसाठी पक्षांतर…
एकनाथ शिंदे यांच्या शिवसेनेला महत्त्वाच्या स्थायी समितीमध्ये ३, सुधार समितीमध्ये ३, शिक्षण समितीमध्ये ३, बेस्ट समितीमध्ये २ तर वृक्ष प्राधिकरण समितीमध्ये २ नगरसेवकांना प्रतिनिधित्व देता येईल. याशिवाय त्यांना विशेष समित्यांमध्ये ५ नगरसेवकांना प्रतिनिधित्व देता येईल. काँग्रसचे २४ नगरसेवक निवडून आले आहेत. संख्याबळानुसार काँग्रेसला स्थायी समितीमध्ये ३, सुधार समितीमध्ये ३, शिक्षण समितीमध्ये ३, बेस्ट समितीमध्ये २ तर वृक्ष प्राधिकरण समितीमध्ये एका नगरसेवकाला प्रतिनिधित्व देता येईल. याशिवाय विशेष समित्यांमध्ये पक्षाचे ४ नगरसेवक असतील.
BMC Election 2026 : मुंबईचा पुढचा महापौर भाजपचा पहिला नसणार! धक्कादायक माहिती समोर, नेमकं काय प्रकरण?
एमआयएमचे ८ नगरसेवक निवडून आले आहेत. संख्याबळानुसार एमआयएमला स्थायी समितीमध्ये १, सुधार समितीमध्ये १, शिक्षण समितीमध्ये १, बेस्ट समितीमध्ये १ तर वृक्ष प्राधिकरण समितीमध्येही एका नगरसेवकाला प्रतिनिधित्व देता येईल. याशिवाय विशेष समित्यांमध्ये त्यांचा एक नगरसेवक असेल. मनसेचे ६ नगरसेवक निवडून आले आहेत. त्यांच्या वाट्याला स्वीकृत नगरसेवकपद येणार नसले, तरी स्थायी समिती, सुधार समिती आणि शिक्षण समितीमध्ये प्रत्येकी एका नगरसेवकाला प्रतिनिधित्व मिळेल. बेस्ट आणि वृक्ष प्राधिकरण समितीमध्ये त्यांना स्थान मिळणार नसले तरी विशेष समित्यांमध्ये पक्षाच्या एका नगरसेवकाला स्थान मिळेल.