प्रदीप भणगे, कल्याण: दिवंगत माजी महापौर राजेंद्र देवळेकर यांच्या पत्नी अनघा देवळेकर या कल्याणमधील प्रभाग क्र. 2 ब मधून विजयी झाल्या आहेत. शुक्रवारी (16 जानेवारी) राजेंद्र देवळेकर यांच्या जयंतीदिनीच त्यांचा विजय झाला. त्यामुळे कार्यकर्त्यांनी ही त्यांच्यासाठी एक श्रद्धांजली मानली जात आहे.
शिंदे गटाच्या अनघा देवळेकर विजयी
कल्याण – डोंबिवली महानगरपालिका सार्वत्रिक निवडणूक 2026 मध्ये शुक्रवारी (16 जानेवारी) शिवसेना शिंदे गटाच्या विजयी उमेदवार अनघा देवळेकर या अत्यंत भावूक झालेल्या दिसल्या. त्याला कारण ही तसेच होते, कल्याण – डोंबिवली महानगरपालिकेचे माजी महापौर दिवंगत राजेंद्र देवळेकर यांनी मनपामध्ये आपल्या कार्याचा ठसा उमटविला होता.
BMC Election Results: फडणवीसांच्या शिलेदाराचा विजय, पण ठाकरेंची रणरागिणी नडली, थेट कोर्टात जाण्याचा इशारा, पाहा काय घडलं?
विजयी होताच त्या अत्यंत भावूक झाल्या
सभागृहात त्यांची भाषणं, अभ्यासपूर्ण, वस्तुस्थितीला धरून असल्याने वक्तृत्वगुण अवगत होता. तळागाळातील जनतेशी नाळ असणारे ते व्यक्तीमत्व होते. शुक्रवारी निकालांच्या दिवशी शिवसेना शिंदे गटातून त्यांच्या पत्नी अनघा देवळेकर या प्रभाग 2 ब मधून 3094 इतक्या प्रचंड मताधिक्याने विजयी झाल्याचे पाहताच त्याचक्षणी त्या अत्यंत भावूक झाल्या आणि त्यांच्या डोळ्यात आनंदाश्रू दाटून आले.
BMC Election Results: मी तुमचं हृदय सांभाळलंय! विजयानंतर मनसे उमेदवाराचा उद्धव ठाकरेंना कॉल; किल्लेदारांनी किल्ला राखला
पतीच्या जयंती दिनीच पत्नीचा विजय
शुकवारी दिवंगत राजेंद्र देवळेकर यांचा जयंती दिन होता. भारवलेल्या अनघा देवळेकर या निवडणूक जिंकताच विजय प्रमाणपत्र घेऊन थेट आपल्या घरी पोहोचल्या. त्यांनी आपल्या सासू म्हणजेच राजेंद्र देवळेकर यांच्या आईच्या हाती देत तो विजय त्यांना समर्पित केला. या क्षणी उपस्थित शिवसैनिक, महिला आघाडी कार्यकर्त्या, युवा सैनिक आणि तळागाळातील नागरिकांनी देवळेकर यांच्या आठवणीला उजाळा देत असल्याचे चित्र यानिमित्ताने दिसत होते. यावेळी सारेच भारावून गेलेले दिसून आले.
यावेळी संतोष देवळेकर, उपशहरसंघटक नितीन जाधव, विभाग प्रमुख अंकुश केणे, शाखाप्रमुख भावेश अवसरे, प्रसाद कोलते, रवींद्र मोरे, संदीप जाधव, प्रमोद कोलगंटे, प्रवीण खराटे, रमेश घोपे आदींसह सर्व वरिष्ठ नागरिक संघ सदस्य उपस्थित होते. हा क्षण त्यांच्यासाठी अत्यंत खास होता.
लेखकाबद्दलनुपूर उप्पलनुपूर विकास उप्पल, महाराष्ट्र टाइम्स ऑनलाईनमध्ये सिनियर डिजिटल कंटेंट प्रोड्युसर पदावर कार्यरत आहेत.गेल्या तीन वर्षांपासून महाराष्ट्र टाइम्स ऑनलाईनसोबत काम करत आहे. राष्ट्रीय, गुन्हेगारी, राजकीय, हटके स्टोरीज या विषयांचं लिखाण करण्यात हातखंडा आहे. घटनेचं विश्लेषणात्मक लिखाण करण्यात रस. गेल्या 9 वर्षांपासून पत्रकारिता क्षेत्रात काम करत असून यापूर्वी टीव्ही ९ मराठी, साममध्ये कामाचा अनुभव आहे. यशवंतराव चव्हाण मुक्त विद्यापीठातून बॅचलर ऑफ मास कम्युनिकेशन अँड जर्नालिझमचं शिक्षण घेतलं आहे.… आणखी वाचा