मतमोजणी केंद्रावर पोलिसांवर हल्ला करणाऱ्या माजी महापौरांसह अन्य दोघांवर गुन्हा दाखल करण्यात आला आहे. शासकीय अभियांत्रिकी महाविदयालयाच्या मतमोजणी केंद्रावर ही घटना घडली होती.
या प्रकरणात सहायक पोलीस आयुक्त सागर शिलवंत देशमुख (वय ३५) यांनी वेदांतनगर पोलीस ठाण्यात दिलेल्या तक्रारीनुसार, सागर देशमुख हे चार महिन्यापासून शहरात सहायक पोलीस आयुक्त पदावर कार्यरत आहेत. १६ जानेवारी रोजी सागर देशमुख हे बंदोबस्तासाठी शासकीय अभियांत्रिकी महाविदयालयाच्या परिसरात कर्तव्यावर होती. या ठिकाणी महानगरपालिकेच्या प्रभाग क्रमांक १८, १९, २०, २१, २२ व २७ यांची मतमोजणी शासकीय अभियांत्रिकी महाविद्यालयात सुरू होती. मतमोजणीदरम्यान कायदा व सुव्यवस्था अबाधित राखण्यासाठी कडक बंदोबस्त तैनात करण्यात आला होता. मतमोजणी केंद्राकडे येणाऱ्या प्रमुख रस्त्यांवर बॅरिकेटिंग करून प्रवेश नियंत्रित केला जात होता. उमेदवार आणि त्यांच्या मर्यादित प्रतिनिधींनाच निवडणूक अधिकारी (आरओ) यांनी दिलेल्या ओळखपत्रांच्या आधारे प्रवेश देण्याची व्यवस्था करण्यात आली होती.
Uddhav Thackeray : ‘मुंबईत आमचा महापौर होणार आणि व्हावा…’, उद्धव ठाकरे नेमकं काय म्हणाले?
गेट ढकलून केंद्रात घुसले, पोलिसांसोबत केली धक्काबुक्की
एसीपी सागर देशमुख यांनी तक्रारीत दिलेल्या माहितीनुसार, सकाळी ९ ते ९.३० वाजेच्या दरम्यान मुख्य प्रवेशद्वारासमोर मोठी गर्दी झाली. याचवेळी माजी महापौर विकास जैन, शिवा राजपूत आणि अभिषेक जीवनवाल हे ओळखपत्र न दाखवता आत प्रवेश करण्याचा प्रयत्न करीत असल्याचे पोलिसांचे म्हणणे आहे. उपस्थित पोलीस अधिकाऱ्यांनी त्यांना ओळखपत्र दाखविण्याची विनंती केली; मात्र यावरून वाद वाढत गेला. आरोपानुसार, प्रवेशद्वार ढकलून जबरदस्तीने आत शिरण्याचा प्रयत्न करण्यात आला. या गोंधळात पोलीस निरीक्षक प्रमोद कठाणे आणि सहायक निरीक्षक मिरधे यांच्याशी धक्काबुक्की करण्यात आली. परिस्थिती नियंत्रणाबाहेर जात असल्याचे लक्षात येताच जमावाला रोखण्यासाठी पोलिसांनी सौम्य बळाचा वापर केला. यानंतर संबंधित व्यक्तींना बाजूला नेऊन परिस्थिती नियंत्रणात आणण्यात आली.Uddhav Thackeray : ‘शिवसैनिक आणि मतदारांची दिलगिरी व्यक्त करतो’, उद्धव ठाकरेंची निकालावर पहिली प्रतिक्रिया
माजी महापौरसह दोघांवर गुन्हा दाखल
मतमोजणी केंद्रावर परिस्थिती आटोक्यात आण्ण्यासाठी पोलिसांना सौम्य बळाचा वापर करावा लागला. यात माजी महापौर विकास जैन यांच्या हाताला गंभीर दुखापत झाली. काही कार्यकर्त्यांनाही मारहाण झाल्याचा आरोप आहे. दुसरीकडे, सहायक आयुक्त सागर देशमुख यांनी दिलेल्या फिर्यादीनुसार विकास जैन, शिवा राजपुत आणि अभिषेक जीवनवाल यांच्याविरोधात शासकीय कामात अडथळा निर्माण करणे, मनाई आदेशाचे उल्लंघन करणे आणि शासकीय अधिकाऱ्यांवर हल्ला केल्याप्रकरणी भारतीय न्याय संहिता 2023 मधील संबंधित कलमान्वये वेदांतनगर पोलीस ठाण्यात गुन्हा दाखल करण्यात आला आहे. पुढील तपास वेदांतनगर ठाण्याच्या निरीक्षक प्रविणा यादव करीत आहेत.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा