सोलापूर जिल्ह्यातील मोहोळ, माळशिरस व पंढरपूर तालुक्यातील काही जिल्हा परिषद गटांचा तिढा सोडवण्यासाठी राष्ट्रवादी काँग्रेस शरदचंद्र पवार पक्षाचे खासदार धैर्यशील मोहिते पाटील, माळशिरसचे आमदार उत्तमराव जानकर, करमाळ्याचे आमदार नारायण आबा पाटील, आमदार अभिजीत पाटील हे अचानक संध्याकाळी बारामतीत पोहोचले. त्यांच्यासोबत अजित पवारांच्या राष्ट्रवादी काँग्रेसचे नेते व जिल्हाध्यक्ष उमेश पाटील देखील होते.
KDMC Election Results: केडीएमसीचे माजी महापौर राजेंद्र देवळेकर यांच्या आठवणी डोळ्यांत तरळल्या, पत्नीने विजयी होताच घर गाठलं अन्…
ही माहिती मिळताच बारामतीतील राष्ट्रवादी भवनमध्ये तालुक्यातील जिल्हा परिषद व पंचायत समितीच्या इच्छुक उमेदवारांच्या मुलाखती घेत असलेले अजित पवार अचानक मुलाखतीच्या कार्यक्रमातून उठून तातडीने सहयोग या निवासस्थानी पोहोचले. तिथे खलबते झाली आणि त्यानंतर अजित पवार हे पुन्हा मुलाखती घेण्यासाठी रवाना झाले.‌

त्यानंतर आमदार उत्तमराव जानकर यांना विचारले असता, आम्हाला तिथे तोडगा निघत नव्हता, म्हणून आम्ही अजित पवारांना भेटायला आलो होतो. आम्ही वेगवेगळे लढलो असतो तर त्याचा फायदा दुसऱ्यांना झाला असता, पाच जागांचा तिढा होता परंतु आता चर्चेतून तोडगा निघाला असून आम्ही एकत्र निवडणूक लढवणार आहोत असे त्यांनी सांगितले.

अजित पवारांच्या राष्ट्रवादी काँग्रेसचे सोलापूरचे अध्यक्ष उमेश पाटील यांना विचारले असता त्यांनी. रणनीती सांगून निवडणूक लढली जात नाही. अर्ज भरून झाल्यानंतर आमची रणनीती कळेल. आमचा कुठेही वाद नव्हता, जिल्ह्याचा कार्यकर्त्याचा डी एन ए राष्ट्रवादी आहे. सोलापूर मध्ये राष्ट्रवादीला यश मिळेल. स्थानिक पातळी ची समीकरणे लक्षात घेऊन आम्ही आघाड्या युत्या करू. निवडून येण्याची शक्यता ज्या कॉम्बिनेशन मुळे वाढेल तसं आम्ही लढू कारण आम्ही पुरोगामी विचारासोबत आहोत, जी अजितदादांची भूमिका आहे तीच माझी भूमिका असे मत व्यक्त केले.