KDMC Election Results 2026: निवडणुकीसाठी शिंदे गटाकडून उमेदवारी मिळाली नाही. त्यामुळे मधुर म्हात्रे यांनी मशाल हाती घेत निवडणूक लढवली. शिवसेना उद्धव ठाकरेंचा हा उमेदवा जिंकला आणि जिंकल्यानंतर ते श्रीकांत शिंदेंच्या भेटीला गेले, त्यामुळे राजकीय वर्तुळात एकच चर्चा सुरु झाली आहे.
मधुर म्हात्रे यांनी घेतली श्रीकांत शिंदे यांची भेट
केडीएमसी निवडणुकीचा निकाल लागला असून सत्ता स्थापनेसाठी भाजपा आणि शिवसेना या दोन्ही पक्षांच्या हालचाली सुरु झाल्या आहेत. अशातच ठाकरे गटाचे 11, मनसेचे 5, काँग्रेसचे 2 तर राष्ट्रवादी शरद पवार गटाचा 1 नगरसेवक निवडून आला आहे. त्यामुळे शिवसेना भाजपा या नगरसेवकांना आपल्या गळाला लावण्याचा प्रयत्न करत आहेत. त्यातच मधुर म्हात्रे यांनी खासदार डॉ. श्रीकांत शिंदे यांची भेट घेतल्याने विविध राजकीय चर्चा रंगल्या आहेत.
Ajit Pawar: मुलाखत सोडून अजित पवार अचानक घरी, शरद पवारांचे आमदार, खासदार भेटीला, बारामतीत काय घडलं?
दरम्यान, मधुर म्हात्रे हे याआधी शिवसेना शिंदे गटात कार्यरत होते. मात्र, ऐन निवडणुकीत शिवसेनेने उमेदवारी न दिल्याने त्यांनी मशाल हाती घेत ठाकरे गटातून निवडणूक लढवली आणि विजयी देखील झाले. त्यामुळे आता मधुर म्हात्रे यांच्या पुढील राजकीय निर्णयाकडे सर्वांचे लक्ष लागले असून याबाबत त्यांना संपर्क केला असता संपर्क झाला नाही.
केडीएमसीमध्ये ठाकरे बंधू लक्ष घातले असते तर 30 च्यावर उमेदवार निवडून आले असते- नागरिकांमध्ये चर्चा
कल्याण – डोंबिवलीत ठाकरे बंधूंनी लक्ष घातले असते तर, 30 च्या वर उमेदवार निवडून आले असते. ज्या प्रकारे ठाकरे गट, मनसे आणि नोटाला मतदान झाले आहे, त्यावरून अशी चर्चा रंगली आहे. लोकांना रोष होता. पण, ठाकरे बंधू केडीएमसी पालिकेवर लक्षच दिले नाही, असंही नागरिक म्हणत आहेत.
लेखकाबद्दलनुपूर उप्पलनुपूर विकास उप्पल, महाराष्ट्र टाइम्स ऑनलाईनमध्ये सिनियर डिजिटल कंटेंट प्रोड्युसर पदावर कार्यरत आहेत.गेल्या तीन वर्षांपासून महाराष्ट्र टाइम्स ऑनलाईनसोबत काम करत आहे. राष्ट्रीय, गुन्हेगारी, राजकीय, हटके स्टोरीज या विषयांचं लिखाण करण्यात हातखंडा आहे. घटनेचं विश्लेषणात्मक लिखाण करण्यात रस. गेल्या 9 वर्षांपासून पत्रकारिता क्षेत्रात काम करत असून यापूर्वी टीव्ही ९ मराठी, साममध्ये कामाचा अनुभव आहे. यशवंतराव चव्हाण मुक्त विद्यापीठातून बॅचलर ऑफ मास कम्युनिकेशन अँड जर्नालिझमचं शिक्षण घेतलं आहे.… आणखी वाचा