कल्याण: राज्यातील 29 महापालिकांसाठी 15 जानेवारी रोजी मतदान पार पडल्यानंतर आज सकाळी 10 वाजल्यापासून मतमोजणीला सुरुवात झाली आहे. निकाल हळूहळू स्पष्ट होत असून, कल्याण-डोंबिवली महानगरपालिकेच्या 122 जागांसाठी झालेल्या निवडणुकीत भाजप-शिंदे युतीने बहुमत मिळवलं आहे. मात्र, एका प्रभागात शिंदेंच्या सेनेला मोठा धक्का बसला आहे.
कल्याण-डोंबिवली महानगरपालिकाउपमुख्यमंत्री एकनाथ शिंदे यांचे सुपुत्र खासदार श्रीकांत शिंदे यांचा बालेकिल्ला मानली जाते. याठिकाणी भाजप विरुद्ध शिंदे सेना आणि ठाकरे गट अशी थेट लढत पाहायला मिळाली. निकालानुसार भाजप आणि शिंदेंनी सर्वाधिक जागा मिळवत सत्ता कायम राखली आहे. मात्र, एका प्रभागात ठाकरेंच्या शिवसेनेने बाजी मारली आहे.
Kalyan KDMC Dombivli Municipal Election Result 2026 : कल्याण डोंबिवली महापालिकेचा A टू Z निकाल इथे वाचा
कल्याण-डोंबिवली महानगरपालिका निकाल
एकूण जागा – 122
भाजप – 41
शिवसेना (शिंदे) – 51
शिवसेना (ठाकरे) – 07
काँग्रेस – 02
मनसे – 04
राष्ट्रवादी काँग्रेस (शरद पवार गट) – 01
विशेष म्हणजे, प्रभाग क्रमांक 6 मधून शिवसेना (उद्धव बाळासाहेब ठाकरे गट) च्या पॅनलने दणदणीत विजय मिळवला आहे. या प्रभागातून शिंदे गटाकडून लढणाऱ्या माजी महापौर आणि पाच वेळा नगरसेवक असलेल्या वैजयंती घोलप यांचा पराभव झाला आहे. या निकालामुळे एकूण चित्रात शिंदे सेनेची आघाडी कायम असली, तरी बालेकिल्ल्यातील या पराभवामुळे राजकीयवर्तुळात चर्चेला उधाण आलं आहे.
एकाच परिवातील तिघांचा विजय
दरम्यान, कल्याण-डोंबिवलीत मतमोजणी सुरू असताना म्हात्रे कुटुंबातील तीन सदस्यांनी स्थानिक स्वराज्य संस्थेच्या निवडणुकीत विजय मिळवल्याची माहिती समोर आली आहे. वेगवेगळ्या राजकीय आघाड्यांचे प्रतिनिधित्व करत रेखा म्हात्रे आणि डॉ. रवीना म्हात्रे या दोघी महानगरपालिकेत निवडून आल्या आहेत.
KDMC Election Result 2026: चव्हाण-शिंदेंचा संघर्ष, अमित शहांपर्यंत तक्रार; ‘बिनविरोध’मुळे गाजलेल्या KDMC मध्ये कोण पुढे?
प्रल्हाद म्हात्रे यांनी महाराष्ट्र नवनिर्माण सेनेच्या (मनसे) तिकिटावर प्रभाग क्रमांक 21(A) मधून विजय मिळवला आहे. तर डॉ. रवीना राहुल म्हात्रे यांनी भारतीय जनता पक्षाच्या (भाजप) वतीने प्रभाग क्रमांक 21(B) मधून बाजी मारली आहे. दरम्यान, रेखा म्हात्रे यांनी शिवसेना (शिंदे गट) च्या तिकिटावर प्रभाग क्रमांक 21(C) मधून विजय मिळवला आहे.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा