नागपूर: मुख्यमंत्री देवेंद्र फडणवीसांचा बालेकिल्ला मानल्या जाणाऱ्या नागपूर महानगरपालिकेच्या निवडणुकांची मतमोजणी (Nagpur Municipal Corporation Elections Counting) सुरू झाली असून, सुरुवातीच्या कलांमध्ये भाजपने स्पष्ट आघाडी घेतल्याचे चित्र दिसत आहे. पोस्टल बॅलेट आणि ईव्हीएम या दोन्ही माध्यमांतून मतमोजणी सुरू असून, बहुतांश ठिकाणी पोस्टल मतमोजणी पूर्ण झाली आहे.
प्रारंभीच्या आकडेवारीनुसारभाजप सर्वात मोठा पक्ष ठरण्याची चिन्हे आहेत. नागपूर महानगरपालिकेत एकूण 151 प्रभाग असून, 2017 मध्ये झालेल्या निवडणुकांत भाजपने 108 जागा जिंकत निर्विवाद वर्चस्व प्रस्थापित केले होते. तब्बल आठ वर्षांनंतर पुन्हा एकदा होत असलेल्या या निवडणुकीत भाजप आपला गड राखणार का, याकडे राजकीय वर्तुळाचे लक्ष लागले आहे. नागपूरमध्ये पोस्टल बॅलेटसह ईव्हीएम मतमोजणीला सुरूवात झाली असून, बहुतांश मतदान केंद्रांवर पोस्ट मतमोजणी पूर्ण झाली आहे. 2017मध्ये बहुमताने जिंकलेल्या भाजपला यंदा ही सत्ता स्थापन करता येणार असल्याची चिन्ह दिसत आहेत. सुरूवातीचे कल हाती आले असून, भाजपची 20 ते 35 जागेंवर आघाडी आहे. काँग्रेस हा दुसऱ्या क्रमांकाचा पक्ष ठरत असल्याची चिन्हे दिसत आहेत.
BMC Election 2026 : मुंबईत सुरुवातीचे कल कोणाच्या बाजूने? ठाकरे बंधूंची भाजपला जोरदार टक्कर, कोण किती जागांवर पुढे?
प्रभाग क्रमांक 26 मधून भाजपचे उमेदवारआणि अनुसूचित जाती-जमाती आयोगाचे उपाध्यक्ष धर्मपाल मेश्राम आघाडीवर आहेत. तसेच प्रभाग क्रमांक 8 मध्ये भाजपचे उमेदवार चारही जागांवर आघाडीवर असून, मुस्लिमबहुल प्रभागातही भाजप पुढे असल्याचे सुरुवातीच्या कलांमधून दिसत आहे. देवेंद्र फडणवीसांच्या (CM Devendra Fadnavis) बालोकिल्ल्यात काय निकाल येईल याकडे सर्वांचं लक्ष आहे.
सध्याची आघाडीची स्थिती
(सुरुवातीचे कौल)
भाजप – 65
शिवसेना (शिंदे गट) – 02
काँग्रेस – 22
राष्ट्रवादी – 00
ठाकरे गट – 00
मनसे – 00
शरद पवार गट – 00
इतर – 00
सध्या भाजपला स्पष्ट आघाडी मिळताना दिसत असली, तरी अंतिम निकालासाठीअजूनही काही फेऱ्यांची मतमोजणी बाकी आहे. फडणवीसांच्या बालेकिल्ल्यात यंदाही भाजपचा झेंडा फडकणार की राजकीय समीकरणात काही उलथापालथ होणार, हे लवकरच स्पष्ट होणार आहे.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा