पालघर: राज्यभरात महापालिका निवडणुकांचे निकाल आज जाहीर होत असताना, बहुतांश ठिकाणी भाजप आणि महायुती सत्तेकडे वाटचाल करताना दिसत आहेत. मात्र, मुंबईच्या शेजारील वसई-विरार महानगरपालिकेत भाजपला मोठा धक्का बसला असून येथे सत्तास्थापना करण्यात पक्ष अपयशी ठरला आहे. विशेष म्हणजे, ना भाजप, ना शिंदेंची शिवसेना, ना ठाकरे, तर एका प्रादेशिक पक्षाने येथे आपले वर्चस्व कायम राखले आहे.
बविआची आघाडी
वसई-विरार महानगरपालिका निवडणुकांमध्ये बहुजन विकास आघाडीने (बविआ) स्पष्ट बहुमत मिळवत सत्ता पुन्हा एकदा आपल्या नावावर केली आहे. 115 जागांच्या सभागृहात बविआने 71 जागांवर विजय/आघाडी मिळवत बहुमताचा आकडा सहज पार केला आहे. त्यामुळे यंदाही वसई-विरार महापालिकेवर हितेंद्र ठाकूर यांच्या बहुजन विकास आघाडीचाच महापौर विराजमान होणार, हे स्पष्ट झाले आहे.Chhatrapati Sambhajinagar Election Result: बड्या मंत्र्याच्या लेकीने मारली बाजी, MIM ला मागे टाकत; कोणाची आघाडी?
भाजपला या निवडणुकीत 43 जागांवर समाधान मानावे लागले, तर शिंदे गटाच्या शिवसेनेला केवळ एकाच जागेवर आघाडी मिळवता आली आहे. ठाकरे गटाची शिवसेना (उद्धव बाळासाहेब ठाकरे) मात्र एकाही जागेवर आघाडी घेऊ शकलेली नाही. काँग्रेस, राष्ट्रवादी काँग्रेस (दोन्ही गट) आणि इतर पक्षांचाही संपूर्ण अपयश झालं आहे.
माजी महापौरांचा पराभाव
दरम्यान, या निवडणुकीत काही बड्या नेत्यांना धक्का बसला आहे. माजी महापौर रूपेश जाधव यांचा त्यांच्या प्रभागातून पराभव झाला आहे. मात्र, माजी महापौर प्रवीण शेट्टी यांनी आपला विजय कायम राखला आहे. प्रभाग क्रमांक 5 मध्ये बविआला मोठा धक्का बसला असून, पक्षप्रमुख हितेंद्र ठाकूरयांचे चुलत भाऊ आणि माजी सभापती पंकज ठाकूर, तसेच माजी नगरसेवक हार्दिक राऊत यांचा पराभव झाला आहे.
समाधान सरवणकर पराभूत, महेश सावंतांच्या प्रयत्नांना यश, निशिकांत शिंदेंची पहिली प्रतिक्रिया
वसई-विरार महानगरपालिका निकाल
बहुजन विकास आघाडी: 71
भाजप: 43
शिवसेना (शिंदे): 01
शिवसेना (उबाठा): 00
काँग्रेस: 00
राष्ट्रवादी काँग्रेस (SP): 00
राष्ट्रवादी काँग्रेस (AP): 00
वंचित बहुजन आघाडी: 00
इतर (SP, MIM, AAP, BSP): 00
भाजप दुसऱ्या क्रमांकाचा सर्वात मोठा पक्ष ठरला असला तरी वसई-विरार महापालिकेत भाजपची सत्ता येणार नाही हे स्पष्ट झालं आहे.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा