तर शंभर पार
वसई-विरारचा गड राखल्यानंतर हितेंद्र ठाकूर यांनी माध्यमांना प्रतिक्रिया दिली, ते म्हणाले की,कार्यकर्त्यांच्या जीवावर आपण निवडून येऊ शकतो उमेदवार कार्यकर्त्यांच्या मेहनतीने निवडून जातात माझा कार्यकर्ता जिंदाबाद आहे. तर मतदार यादीत घोळ नसता मतदान स्लो नसतं, मशीन बंद पडणार मशीन बदलणे यांसारखे घोळ झाले नसते तर आम्ही शंभर पार गेलो असतो. नेते आले, अभिनेते आले, खोटी आश्वासन दिली जी कामं करायची ती केली नाही, शेवटी लोक पाहतात.

टायगर जिंदा है!
कार्यकर्ते पेटून उठले. कार्यकर्त्यांनी ठाकुरंवरचं प्रेम दाखवले. हा विजय मी नाहीतर कार्यकर्त्यांनी मिळवला आहे मी कार्यकर्त्यांच्या पायाला डोकं लावतो त्यांच्यामुळेच मी जिंकलो. जोपर्यंत कार्यकर्ते आहेत तोपर्यंत ”टायगर जिंदा है” आता विरोधकांनी टीका करावी मी कधी विरोधकांवर टीका टिप्पणी करत नाही यापुढेही बोलणार नाही माझे काम बोलते.

पक्षाला नव संजीवनी
वसई-विरार शहरात गेले अनेक वर्षांपासून ठाकूरांची सत्ता आहे. या शहरात अनेक वर्षे त्याचे आमदार होते. पण 2024 च्या निवडणुकीत मात्र भाजपने ठाकूरांचा पराभव करत दोन्ही जागांवर विजय मिळवला. त्यानंतर वसई विरार महापालिका निवडणूक ठाकूरांना जड जाणार असे दिसत होते. मात्र महापालिकेत शहरातील नागरिकांनी ठाकूरांना साथ देत बहुजन विकास आघाडी पक्षाला संजीवनी दिली. वसई-विरार महापालिकेत एकूण 115 जागा आहेत. जर निकालानंतर पक्षीय बलाबलाचा विचार केल्यास बहुजन विकास आघाडी -71, भाजप-43, काँग्रेस -1 असे आहे. शिवसेना शिंदे गट, राष्ट्रवादी आणि ठाकरेंचा गटाला येथे खाते उघडता आले नाही.