विशेष म्हणजे, भाजपनंतर ८ जागांसह असदुद्दीन ओवैसी यांचा ‘एमआयएम’ (AIMIM) हा सोलापुरातील दुसऱ्या क्रमांकाचा मोठा पक्ष म्हणून समोर आला आहे.

काँग्रेसचे अस्तित्व धोक्यात; केवळ २ नगरसेवक विजयीसोलापूरच्या राजकारणात काँग्रेसला आजवरचा सर्वात मोठा धक्का बसला आहे. एकेकाळी काँग्रेसची उमेदवारी मिळवण्यासाठी काँग्रेस भवनाबाहेर कार्यकर्त्यांची मोठी गर्दी असायची, मात्र यंदा केवळ दोनच उमेदवार महापालिकेत पोहोचू शकले आहेत. प्रभाग क्रमांक १६ मधून नरसिंह असादे आणि प्रभाग १५ मधून काँग्रेसचे शहराध्यक्ष चेतन नरोटे यांनी कशीबशी बाजी मारली.

BMC Election Result: मुंबई-ठाण्यात महायुतीची मुसंडी; एकनाथ शिंदेंची पहिली प्रतिक्रिया समोर, पिछाडीवर असलेल्या ठाकरेंबद्दल म्हणाले…

या दोघांव्यतिरिक्त काँग्रेसच्या एकाही शिलेदाराला विजयाचा गुलाल उधळता आला नाही.शिंदे-अजित पवार गटाची दाणादाणभाजपने ‘७५ पार’चा नारा देत स्वबळावर निवडणूक लढवली होती. त्यामुळे महायुतीतील घटक पक्ष असलेल्या एकनाथ शिंदे यांच्या शिवसेनेने आणि अजित पवारांच्या राष्ट्रवादीने ५१-५१ च्या सूत्राने युती केली. मात्र, मतदारांनी या दोन्ही पक्षांना नाकारल्याचे पाहायला मिळाले. शिंदेंच्या शिवसेनेला केवळ ४ जागा मिळाल्या, तर अजित पवारांच्या राष्ट्रवादीला फक्त एका जागेवर समाधान मानावे लागले. या निकालामुळे सोलापूर महापालिकेत या दोन्ही पक्षांची कामगिरी ‘फेल’ ठरली आहे.

भाजपचे वर्चस्व आणि एमआयएमची मुसंडीभाजपने या निवडणुकीत नियोजनबद्ध प्रचार करत निर्विवाद बहुमत मिळवले आहे. दुसरीकडे, एमआयएमने ८ जागा जिंकत प्रस्थापित पक्षांना धक्का दिला आणि महापालिकेत मुख्य विरोधी पक्षाच्या भूमिकेत जाण्याची तयारी केली आहे. सोलापूरच्या या निकालाने राज्याच्या आगामी राजकारणावर मोठे परिणाम होणार असल्याचे स्पष्ट झाले आहे.

ठळक निकाल

एकूण जागा१०२
पक्ष
जागाभारतीय जनता पक्ष८७
एआयएमआयएम (AIMIM)०८
शिवसेना (एकनाथ शिंदे)०४
राष्ट्रवादी काँग्रेस (अजित पवार)०१
भारतीय राष्ट्रीय काँग्रेस०२