अकोल्यातील जुना शहर भागातील प्रभाग क्रमांक 17 मधील श्री शिवाजी विद्यालय येथे भाजप उमेदवार करण शाहू आणि शिवसेना एकनाथ शिंदे पक्षाचे उमेदवार राजेश मिश्रा यांच्यामध्ये शाब्दिक चकमक झाली त्याचबरोबर अंगावर धावून गेल्याचाही प्रकार पाहायला मिळाला. वाद विकोपाला जात असताना दोन्ही पक्षाच्या समर्थकांनी मतदान केंद्राजवळ मोठी गर्दी केली याकरिता पोलिसांना त्यांना पांगवण्यासाठी सौम्य लाठीचार्ज केला. मात्र परिस्थिती सध्या नियंत्रणात असून सुरळीत मतदान सुरू आहे. यावेळी महिलांना शिवीगाळ केली असल्याचा आरोप भाजपच्या उमेदवारांनी लगावला आहे या प्रकरणामुळे आता भाजप आणि एकनाथ शिंदे यांच्या शिवसेनेत जोरदार संघर्ष पाहायला मिळत आहे.
BMC Exit Poll 2026: ठाकरेंना सर्वात मोठा धक्का, मुंबई हातातून जाणार? सर्वात धक्कादायक एक्झिट पोल समोर
भाजप-राष्ट्रवादी आणि शिंदे सेनेमध्ये जगा वाटपावरून युती फिस्कटली होती, त्यामुळे शिंदे सेनेने ऐकला चलोरे चा नारा देत अकोला महापालिकेत स्वतंत्र निवडणूक लढवण्याचा निर्णय घेतला आणि 51 उमेदवार निवडणूक रिंगणात उतरवले, तर नव्यानेच उबठाला जय महाराष्ट्र करून शिंदे सेनेत प्रवेश घेतलेल्या राजेश मिश्रा यांना प्रभाग क्रमांक 17 मधून उमेदवारी दिली, तर भाजपनेही करण साहू यांना उमेदवारी दिली. मात्र मित्रपक्ष निवडणूक रिंगणात आमने – सामने आल्याने निवडणूक चुरशीची समजल्या जात होती.

मात्र आज मतदानाच्या दिवशी दोन्ही उमेदवारांमध्ये झालेल्या वादामुळे राजकीय गोटात चर्चाना उधाण आले आहे. कारण दोन्ही पक्षाचे उमेदवार समोरा समोर-आल्याने आधीच मतांच विभाजन झालं. त्यात वादाची ठिणगी उडाल्याने , मतदार कुणाला कौल देतील याची उत्कंठा आता शिगेला पोहोचली आहे.