सामच्या एक्झिट पोलमधील आकडेवारीनुसार ठाकरे बंधू आणि शरद पवारांची राष्ट्रवादी काँग्रेस यांची युती सत्तेपासून दूर राहताना दिसत आहे. मुंबईत महापालिकेच्या एकूण २२७ जागा आहेत. बहुमतासाठी ११४ जागांचा आकडा गाठण्याची गरज आहे. सामच्या एक्झिट पोलनुसार ठाकरेसेनेला ६५, मनसेला १० आणि शरद पवारांच्या पक्षाला २ जागा मिळण्याचा अंदाज आहे. त्यामुळे ही आघाडी ७७ पर्यंत जाते. काँग्रेस आणि वंचितला २३ जागा मिळण्याचा अंदाज आहे. ठाकरे बंधू, राष्ट्रवादी शप आणि काँग्रेस-वंचित सोबत आल्यास १०० चा आकडा होतो.
Thane Exit Poll 2026: शिंदे सुस्साट! आनंद दिघेंनाही जमलं नाही, ते करुन दाखवणार; रेकॉर्डब्रेक जागा जिंकण्याचा अंदाज
दुसरीकडे भाजपला ८४ जागा मिळण्याचा अंदाज आहे. तर शिंदेसेनेला ३५ जागा मिळतील, अशी शक्यता वर्तवण्यात आली आहे. दोन्ही पक्षांचा आकडा ११९ पर्यंत पोहोचतो. असाच निकाल लागल्यास महायुतीकडे काठावरचं बहुमत असेल. महायुतीचा आकडा आणखी थोडा खाली आल्यास ठाकरे बंधूंची युती आणि काँग्रेस-वंचित आघाडीला एकत्र येऊन सत्तेची संधी असेल.
BMC Election Exit Poll: मुंबईत कोणाची सरशी? ठाकरे बंधू की महायुती? पहिला एक्झिट पोल समोर, बहुमत कोणाला?
२०१७ मध्ये झालेल्या निवडणुकीवेळी शिवसेना एकसंध होती. त्यावेळी पक्षाला ८४ जागा मिळाल्या होत्या. तर भाजप ८२ जागा जिंकून दुसऱ्या क्रमांकाचा पक्ष ठरला होता. शिवसेनेनं मुंबईत सत्ता स्थापन केली होती. पण आता ९ वर्षांत परिस्थिती बदलली दिसते. शिवसेनेत फूट पडल्यानं ठाकरेंच्या पक्षाची ताकद घटली आहे. त्यांनी राज ठाकरेंच्या मनसे सोबत युती केली आहे. त्यांच्या युतीला ६५ जागा मिळण्याचा अंदाज आहे. गेल्या निवडणुकीत मनसेला ७ जागा मिळाल्या होत्या. यातील ६ नगरसेवकांनी पुढे शिवसेनेत प्रवेश केला. त्यामुळे शिवसेनेचं संख्याबळ ९० च्या घरात गेलं होतं.