‘लाव रे तो व्हिडीओ’

राज ठाकरे यांनी कालच्या सभेत केलेल्या आरोपांना प्रत्युत्तर देण्यासाठी फडणवीसांनी त्यांचेच जुने व्हिडीओ दाखवले. “मराठी माणूस संकटात आहे तर ३० वर्षे काय कंचे खेळत होतात का? एवढी वर्षे तुमची सत्ता असूनही मराठी माणूस संकटात असेल, तर ‘चुल्लूभर पाणी में डूब मरो, ज्यांनी २५ वर्षे महापालिकेत केवळ खुर्च्या तोडण्याचे काम केले, त्यांनी आज मराठी माणसाच्या अस्तित्वाची भाषा करू नये,” अशा शब्दांत फडणवीसांनी ठाकरेंना फटकारले.

आदित्य ठाकरेंना चर्चेचे आव्हान

आदित्य ठाकरेंनी चर्चेसाठी दिलेल्या आव्हानाला उत्तर देताना फडणवीस म्हणाले की, “मला आव्हान देताय? आदित्य ठाकरेंशी चर्चा करण्यासाठी आमची उमेदवार शीतल गंभीरच पुरेशी आहे. उद्या वेळ सांगा, आमची शीतल गंभीर त्यांच्याशी दोन हात करायला तयार आहे.”Raj Thackeray: ‘माझ्या घरी येऊन गेले म्हणून त्यांची पापं मी झाकायची का?’, राज ठाकरेंचं अदानींसोबतच्या फोटोवर स्पष्टीकरण

शिक्षण धोरण आणि ‘गजनी’ टोला

राज ठाकरे आणि उद्धव ठाकरेंना ‘गजनी’ म्हणत फडणवीसांनी नवीन शिक्षण धोरणाबाबत खुलासा केला. “पहिली ते बारावीपर्यंत हिंदी सक्तीचा अहवाल उद्धव ठाकरेंच्याच काळात माशेलकर समितीने दिला होता आणि त्याला उद्धव ठाकरेंनी मंत्रिमंडळ बैठकीत स्वाक्षरी करून मान्यता दिली होती. माझ्याकडे त्याचे पुरावे आहेत,” असे त्यांनी स्पष्ट केले.

नक्कल आणि अस्तित्वाची लढाई

नक्कल करण्याच्या मुद्द्यावर भाष्य करताना फडणवीस म्हणाले की, “नक्कल करता करता काकाच्या (राज ठाकरे) पक्षाची काय अवस्था झाली हे बघा. काकाला किमान चांगली नक्कल करता येते, तुम्हाला तर तेही येत नाही. ही लढाई मराठी माणसाच्या अस्तित्वाची नसून ठाकरे बंधूंचे राजकीय अस्तित्व टिकवण्याची आहे”, असा टोलाही त्यांनी लगावला.

महापौर बंगला आणि मुंबई पालिकेचा हिशोब

बाळासाहेबांच्या नावाचा वापर करून मुंबईचा महापौर बंगला ढापला असल्याची टीका स्वतः राज ठाकरेंनी केली होती, तो व्हिडिओ फडणवीसांनी या सभेत लावला. तसेच, मुंबई महानगरपालिकेच्या गेल्या ५ वर्षांच्या २१ हजार कोटींच्या बजेटचा हिशोबही मांडला. “सुमारे ४० हजार कोटी रुपये हातात असूनही मुंबईचा विस्कट झाला आणि मराठी माणूस उद्ध्वस्त झाला, असा आरोप खुद्द राज ठाकरेंनीच केला होता,” याकडे फडणवीसांनी या व्हिडिओतून लक्ष वेधले.