“घोडेच बेपत्ता करू”

सार्वजनिक सभेत बोलताना गणेश नाईक यांचा पारा चढलेला पाहायला मिळाला. एकनाथ शिंदे यांच्या टीकेला प्रत्युत्तर देताना नाईक म्हणाले की, “जर तुम्ही उन्माद कराल, तर तो मोडून काढण्याची ताकद माझ्याकडे आहे.” एवढ्यावरच न थांबता त्यांनी अत्यंत टोकदार शब्दांत प्रहार केला. “टांगा पलटी होईल आणि घोडे फरार होतील” असा इशारा देत त्यांनी पुढचे खळबळजनक विधान केले की, “वेळ पडल्यास घोडेच बेपत्ता करू.” नाईकांच्या या वक्तव्याने राजकीय वर्तुळात मोठी खळबळ उडाली आहे.

निवडणुकीच्या तोंडावर संघर्ष विकोपाला

नवी मुंबई महानगरपालिका निवडणुकीसाठी दोन्ही पक्षांनी कंबर कसली आहे. मात्र, जागावाटप आणि स्थानिक वर्चस्वावरून या दोन्ही पक्षांत गेल्या अनेक दिवसांपासून धुसफूस सुरू होती. मुख्यमंत्र्यांनी भ्रष्टाचाराचा मुद्दा उपस्थित करून नाईक समर्थकांना डिवचल्यानंतर हा संघर्ष आता निर्णायक वळणावर पोहोचला आहे. सार्वजनिक व्यासपीठावरून एकमेकांचे कपडे फाडण्यापर्यंत नेत्यांची मजल गेल्याने कार्यकर्त्यांमध्येही संभ्रमाचे वातावरण आहे.

Solapur Crime: खाकीवरच टाकला डाव, पण पोलिसांच्या एका फोनने फिरवली गेम; 15 लाखांच्या खंडणी प्रकरणी सोलापुरात हायव्होल्टेज ड्रामा

काय म्हणतात राजकीय विश्लेषक?

राजकीय तज्ज्ञांच्या मते, हा वाद केवळ शाब्दिक नसून तो नवी मुंबईच्या सत्तेवर ताबा मिळवण्यासाठीची धडपड आहे. गणेश नाईक यांनी दिलेले आव्हान हे भाजपमधील त्यांच्या वर्चस्वाचे प्रतीक आहे, तर शिंदे गट नवी मुंबईत आपले पाय घट्ट रोवू पाहत आहे.

हा संघर्ष निवडणुकीत महायुतीसाठी डोकेदुखी ठरू शकतो. मतदारांसमोर जाताना या वादाचा फटका युतीच्या मतांच्या गणिताला बसण्याची शक्यता नाकारता येत नाही.

आगामी काळात वरिष्ठ पातळीवरून या वादावर पडदा टाकला जातो की नवी मुंबईत ‘मैत्रीपूर्ण लढत’ पाहायला मिळते, याकडे संपूर्ण राज्याचे लक्ष लागले आहे.