Mumbai News : मुंबई महापालिकेच्या प्रभाग क्रमांक १९९ मध्ये कोण बाजी मारणार? असा प्रश्न मटा ऑनलाईन पोलमध्ये विचारण्यात आला होता.
मुंबई महापालिकेच्या प्रभाग क्रमांक १९९ मध्ये शिवसेना (ठाकरे) पक्षाच्या उमेदवार आणि माजी महापौर किशोरी पेडणेकर यांच्याविरोधात एकनाथ शिंदे यांच्या शिवसेना पक्षाच्या रुपल कुसळे आणि वंचित बहुजन आघाडीच्या नंदिनी जाधव रिंगणात उतरल्या आहेत. या निवडणुकीमध्ये कोण बाजी मारणार? याकडे सर्वांचं लक्ष आहे या सामन्यात कोण विजयी होईल, असा प्रश्न महाराष्ट्र टाइम्स ऑनलाईनच्या यूट्यूब चॅनलवरुन विचारण्यात आला होता.
शिवसेना ‘उबाठा’ पक्षाच्या उपनेत्या किशोरी पेडणेकर यांची उमेदवारी दीर्घ काळ अनिर्णित राहिली होती. पेडणेकर ज्या प्रभाग क्रमांक १९९ मधून निवडणूक लढवत आहेत तिथे एखाद्या तरुण चेहऱ्याला संधी देण्याबाबत पक्षात चर्चा सुरु होती. मात्र अर्ज भरण्याच्या शेवटच्या दिवसापर्यंत ट्विस्ट राहिला, कारण अगदी आदल्या रात्री पेडणेकरांना ‘मातोश्री’वर एबी फॉर्म मिळाला.
ठाकरे बंधू एकत्र येण्याने मराठी मतदारांची मोट बांधली जाते की शिवसेना-भाजप यांची सरशी होते, की दोघांच्या भांडणात काँग्रेस-वंचित बाजी मारते, याचं उत्तर १६ जानेवारीला मिळणार आहे. मात्र त्याआधी महाराष्ट्र टाइम्स ऑनलाईनने नेटिझन्सचा कौल जाणून घेतला आहे.
Santosh Nalawade : मनसेला बालेकिल्ल्यातच धक्क्यांवर धक्के, बाळा नांदगावकरांच्या कट्टर समर्थकाचा ‘जय महाराष्ट्र’, लांबलचक पत्रातून गंभीर आरोप
मटा ऑनलाईन पोलमध्ये प्रश्न काय?
मुंबई महापालिकेच्या प्रभाग क्रमांक १९९ मध्ये कोण बाजी मारणार? असा प्रश्न मटाच्या ऑनलाईन पोलमध्ये विचारण्यात आला होता. किशोरी पेडणेकर (शिवसेना-उबाठा), रुपल कुसळे (शिवसेना-शिंदे) आणि नंदिनी जाधव (वंचित) असे तीन पर्याय देण्यात आले होते. २१ तासांच्या कालावधीत जवळपास ६१ हजारांहून अधिक युजर्सनी मतदान केले, तर अनेक जणांनी कमेंट्समधून आपले मत व्यक्त केले आहे.Thane News : हट्टी मुलाचं ऐकलं जातं, पण… ठाण्यातील ‘ज्या’ प्रभागावरुन खासदार म्हस्केंच्या मुलाने मांडलेली खदखद, तिथेच आता…
ऑनलाईन पोलचे निकाल काय?
किशोरी पेडणेकर (शिवसेना-उबाठा) यांच्या बाजूने ८५ टक्के म्हणजे जवळपास ५२ हजार नेटिझन्सनी मतदान केले आहे. रुपल कुसळे (शिवसेना-शिंदे) यांना ११ टक्के म्हणजे अंदाजे ७ हजार जणांनी पाठिंबा दर्शवला आहे. तर नंदिनी जाधव (वंचित) यांना ४ टक्के म्हणजेच साधारण अडीच हजार जणांनी मतं दिली आहेत.
BMC Election : शिवसेनेच्या बालेकिल्ल्यात कुणाला कौल? मटा ऑनलाईन पोलमध्ये 82 टक्के युजर्सचं एकमत, ठाकरेंना सोडणाऱ्या अनिल कोकीळ यांना…
इथे लक्षात घेण्यासारखी गोष्ट म्हणजे ऑनलाईन पोलमधून महाराष्ट्र टाइम्स ऑनलाईनने केवळ नेटिझन्सच्या मताचा अंदाज घेतला आहे. या पोलमध्ये मतदान करणारे युजर्स हे मुंबई महापालिकेतील मतदार असतीलच, अशातला भाग नाही. किंबहुना मुंबईसह महाराष्ट्र आणि देश-विदेशातील युजर्सनेही आपले मत नोंदवले आहे. त्यामुळे हे निकाल प्रत्यक्ष मुंबई महापालिका निवडणुकांच्या निकालाचे प्रतिबिंब मानले जाऊ शकणार नाही. केवळ ऑनलाईन जनतेचा कौल कुणाच्या बाजूने झुकलेला आहे, याचा अंदाज मटा ऑनलाईनकडून घेतला गेला आहे. प्रत्यक्ष निकाल आणि मटा ऑनलाईन पोल यांच्यात बरीचशी तफावतही आढळू शकते.
BMC Election 2026 | मुंबई महापालिकेवर कुणाचा महापौर बसणार? दादरकरांना काय वाटतं?
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा