इगतपुरीजवळील गिरणारे येथील काही तरुण पालखी घेऊन शिर्डीला गेले होते. त्यातील काही तरुण रिक्षाने (क्र. एमएच १५, एजे ११३३) शनिशिंगणापूरला दर्शनासाठी निघाले होते. राहुरीजवळ समोरून येणाऱ्या मिनी बसने (क्र. एमएच ०४, एलक्यू ७२५४) समोरासमोर धडक दिली. यात रिक्षाचा चक्काचूर झाला, मिनीबस तर रस्त्याच्या खाली जाऊन उलटली.
Nashik Crime: वेश साधूचा, पण वृत्ती राक्षसाची: शाळेत जाणाऱ्या दोन मुली पाहून बाईक थांबवली, पाठलाग केला आणि नंतर…; नाशिक हादरले
या भीषण अपघातात रिक्षातील दीपक जगन डावखर (वय २२), आकाश मनोहर डावखर (वय २२) व दीपक विजय जाधव (वय २२, सर्व रा. गिरणारे ता. इगतपुरी, जि. नाशिक). हे जागीच ठार झाले. तर, रुपेश गणेश भगत (वय १९) व रोशन गंगाधर डावखर (सर्व रा. गिरणारे) हे गंभीर जखमी झाले.

Nashik Crime: मार खाण्याची भीती, पोटच्या मुलानेच बापाला निर्घृणपणं संपवलं, झोपडीत सापडली बॉडी, काय घडलं असं?
सटाण्यात दाम्पत्याचा मृत्यू
दुसऱ्या एका घटनेत साक्री-शिर्डी राष्ट्रीय महामार्गावर ढोलबारे गावाजवळ मंगळवारी (दि. ६) सकाळी साडेसातच्या दरम्यान झालेल्या अपघातात नवापूर तालुक्यातील आमलीपाडा येथील दाम्पत्याचा जागीच मृत्यू झाला. संदीप दासू गावित (वय ३५) व त्यांची पत्नी आशा संदीप गावित (वय ३२) हे येवल्याहून आपल्या मुलांना भेटून दुचाकीवरून घरी परतत असताना मागून येणाऱ्या भरधाव वाहनाने दुचाकीला जोरदार धडक दिली. दुचाकी समोरून येणाऱ्या पिकअपवर आदळली. यात संदीप आणि आशा या दाम्पत्याचा जागीच मत्य झाला.