BMC Election: काही प्रभाग खुले झाल्याने तिथूनही महिला उमेदवार उभे करण्यात आले आहेत. यंदाच्या निवडणुकीत काही माजी नगरसेवकांनी त्यांच्या पत्नीला निवडणुकीत संधी दिली आहे.
मुंबई महापालिकेची शेवटची निवडणूक सन २०१७मध्ये पार पडली होती. महापालिकेचा कार्यकाळ संपुष्टात आल्यानंतर गेली तीन ते साडेतीन वर्षे मुंबई महापालिकेची निवडणूकच झाली नाही. यंदा पूर्णपणे नव्याने काढण्यात आलेल्या आरक्षण पद्धतीचा मुंबई महापालिकेच्या २२७ प्रभागांतील अनेक दिग्गज नगरसेवकांना फटका बसला.
Rahul Shewale: मराठी, हिंदू, हिंदुत्व शब्द वगळले; ठाकरेंच्या जाहीरनाम्यावर राहुल शेवाळेंची कडाडून टीका
नवीन प्रभाग आरक्षण सोडतीमुळे यंदाच्या निवडणुकीत एकाच वॉर्डमध्ये ५० टक्क्यांपेक्षा जास्त महिला उमेदवार देण्यात आले आहेत. त्यामुळे मुंबईतील २४ वॉर्डांपैकी के पूर्व, एफ उत्तर, आर मध्य वॉर्ड, आर उत्तर वॉर्डसह काही वॉर्डांत ‘महिला राज’च असल्याचे आरक्षण बदलामुळे निश्चित झाले. यावेळी एक हजार ७०० उमेदवार निवडणुकीच्या रिंगणात आहेत. तर, ४५३ महिला उमेदवारांनी निवडणुकीतून माघार घेतली. माघार घेणाऱ्या एकूण उमेदवारांमध्ये २२० पुरुष आणि २२३ महिला उमेदवार आहेत.
निवडणुकीत उभे असलेल्या एकूण उमेदवारांपैकी ८७९ महिला उमेदवार रिंगणात आहेत. ‘एम पूर्व’ वॉर्ड असलेल्या चेंबूर, देवनार, मानखुर्द, गोवंडी या भागात ६८ महिला उमेदवार आहेत. तर, एफ उत्तर वॉर्ड असलेल्या वडाळा, दादरचा काही भाग, शीव भागातून ६६ उमेदवार निवडणुकीच्या रिंगणात उतरले आहेत. जी उत्तर वॉर्ड असलेल्या धारावी, माहीम, दादरच्या काही भागांत ५९, तर ‘के उत्तर’ असलेल्या अंधेरी पूर्व भागातून ५६, ‘एन’ वॉर्ड असलेल्या घाटकोपर, विक्रोळी, कांजूरमार्ग, नाहूरमधून ५१, भायखळा, चिंचपोकळी, रे रोड असलेल्या ‘ई’ वॉर्डमधून ५०, तर ‘जी दक्षिण’ वॉर्ड असलेल्या वरळी, प्रभादेवीतून ३४ महिला उमेदवार आहेत.
BMC Election: प्रचाराचा नारळ फुटला; भाजपच्या प्रचाराला मुख्यमंत्र्यांकडून सुरुवात, ठाकरे बंधूंचा वचननामा जाहीर
१० पैकी आठ वॉर्ड राखीव
नवीन प्रभाग आरक्षण सोडतीमुळे एकाच वॉर्डमध्ये ५० टक्क्यांपेक्षा जास्त महिला उमेदवार देण्यात आले आहेत. ‘एफ उत्तर’ वॉर्डमध्ये (माटुंगा, शीव, वडाळा) दहा प्रभागांत सध्या दहा नगरसेवक आहेत. आता आरक्षण सोडतीनंतर या वॉर्डमधील महिलांची संख्या आठ झाली आहे. तर, पुरुष उमेदवारांची संख्या दोन आहे. आरक्षण बदलामुळे ‘के पूर्व’ वॉर्डमध्ये (अंधेरी, जोगेश्वरी, विलेपार्ले पूर्व) एकूण १५ नगरसेवकांपैकी ११ महिला नगरसेवक होणार आहेत. ‘आर मध्य’ (बोरिवली) वॉर्डमध्ये नगरसेवकांची संख्या दहा आहे. नवीन आरक्षण सोडतीनंतर या वॉर्डमधील महिला उमेदवारांची संख्या आठ झाली आहे. आरक्षण सोडतीमुळेही महिला नगरसेवकांची संख्या वाढली आहे
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा