मुंबई-पुण्यातील हवामान

मुंबईत आज, 5 जानेवारी रोजी, किमान तापमान19 अंश सेल्सियस तर कमाल तापमान 32 अंश सेल्सियस राहण्याचा अंदाज आहे. येत्या आठवड्याभरात मुंबईसह कोकण किनारपट्टीवर सकाळी धुके तर दिवसभर कोरडं वातावरण राहील. मुंबईप्रमाणेच पुणे आणि पश्चिम महाराष्ट्रातही हवामान कोरडं राहणार आहे. पुण्यात आज सोमवारी कमाल तापमान 29 अंश सेल्सियस तर किमान तापमान 16 अंश सेल्सियस राहील. पुढील आठवड्यात पहाटे धुके आणि गारवा जाणवेल, मात्र दिवसभर थंडीचा कडाका कमी होत जाण्याची शक्यता आहे.Western Railway: नवीन वर्षात मुंबईतील रेल्वे प्रवाशांना खास भेट, राजधानी- शताब्दीला मिळणार अतिरिक्त AC कोच; किती नवे डबे जोडणार?

मराठवाड्यात कोरडं वातावरण

मराठवाड्यात प्रामुख्याने कोरडं वातावरण आणि निरभ्र आकाश राहणार आहे. छत्रपती संभाजीनगरमध्ये सोमवारी किमान तापमान 15 अंश सेल्सियस तर कमाल तापमान 29 अंश सेल्सियस राहील. तसेच उत्तर महाराष्ट्र, नाशिक आणि नागपूरमध्येही संपूर्ण आठवडाभर हवामानाची स्थिती साधारण अशीच राहण्याचा अंदाज आहे. अमरावती जिल्ह्यात किमान तापमान 14अंश सेल्सियस तर कमाल तापमान ३० अंश सेल्सियस राहणार आहे.

दरम्यान, संपूर्ण राज्यभरात थंडीचा कडाका कमी होऊन दुपारी आणि सायंकाळी वातावरणातील गारवा कमी जाणवेल. मात्र, येत्या काही दिवसांत राज्यात पुन्हा थंडीची लाट येण्याची शक्यता आहे. येण्याची शक्यता असल्याचा अंदाज हवामान विभागाने वर्तवला आहे. IMD ने नागरिकांना रात्री आणि पहाटे थंडीची जाणीव होऊ शकते, त्यामुळे आवश्यक ती काळजी घेण्याचा सल्ला दिला आहे.

महाराष्ट्राच्या काही भागांमध्ये दाट धुक्याची शक्यता असून, त्यामुळे दृश्यमानता कमी होईल आणि रस्ते, रेल्वे व हवाई वाहतुकीवर परिणाम होण्याची शक्यता आहे. अधिकाऱ्यांनी इशारा दिला आहे की, उत्तर भारतात धुक्यामुळे होणाऱ्या व्यत्ययांमुळे गाड्यांना विलंब होऊ शकतो किंवा त्या रद्द केल्या जाऊ शकतात