शहादा शहरातील प्रवक्ता अकॅडमी’मध्ये (पूर्वीची शितल अकॅडमी) येथे दि. २ जानेवारी २०२६ रोजी सकाळी संशयित शिक्षक योगेश अरुण शेंडे याने सतरा वर्ष विद्यार्थिनीला स्पेलिंग पाठांतराच्या बहाण्याने ऑफिसमध्ये बोलावले. तिथे त्याने पीडितेला “ऑल इज वेल कसे बोलतात याचा आठवण्याचा प्रयत्न कर” असे म्हणत गोंजारण्याच्या बहाण्याने लज्जास्पद वर्तन करण्यास सुरुवात केली. शिक्षकाने पीडितेचा विनयभंग करत तिला जबरदस्तीने चुंबन घेण्यास भाग पाडले. पीडितेने या कृत्याचा तीव्र विरोध केला, मात्र या लंपट शिक्षकाने तिला पुन्हा पाठीमागून पकडून शरीरसुखाचा प्रयत्न केला. अखेर पीडितेने स्वतःची सुटका करून घेत तिथून पळ काढला. या एका शिक्षकाच्या विकृत कृत्याने अवघ्या शिक्षण क्षेत्राची मान शरमेने खाली गेली आहे. गुरु-शिष्याच्या पवित्र नात्याला या घटनेने काळिमा फासला असून, यामुळे प्रामाणिकपणे ज्ञानदान करणाऱ्या चांगल्या शिक्षकांचीही विनाकारण बदनामी होत आहे.
Nandurbar Crime : बॉडीची गुप्तपणे विल्हेवाट, नराधम आई-बापाचं संतापजनक कृत्य; नदीत आढळली चिमुकल्या अर्भकाची बॉडी
विशेष म्हणजे, अवघ्या महिन्याभरापूर्वीच या अकॅडमीचे नामांतर करून ती नव्या स्वरूपात सुरू करण्यात आली होती. इंग्रजी शिकवण्याच्या नावाखाली या ठिकाणी भलतेच ‘कटम’ आणि संशयास्पद प्रकार सुरू असल्याचा आरोप करत, या अकॅडमीची सखोल चौकशी करून ती तात्काळ बंद करण्याची मागणी जनतेने केली आहे. या लंपट शिक्षकावर केवळ गुन्हा दाखल करून न थांबता, त्याला कठोर कायदेशीर धडा शिकवावा, अशी भावना नागरिकांमध्ये आहे.
Nandurbar Crime: गाव दिवाळीसाठी रात्री घराबाहेर पडली; सकाळी पडीत घरात 45 वर्षीय महिला… तपासात समोर आला जावयाचा भयानक कट
या प्रकारे शहादा पोलिसांनी पीडितेच्या तक्रारीवरून योगेश शेंडे याच्यावर भारतीय न्याय संहिता, पोक्सो (POCSO) आणि ॲट्रॉसिटी कायद्याच्या विविध कलमांखाली गुन्हा दाखल केला आहे. या प्रकरणाचा पुढील तपास उपविभागीय पोलीस अधिकारी दत्ता पवार आणि पोलीस निरीक्षक निलेश देसले करत आहेत.