Pune Murder Case: हल्ल्यानंतर गंभीर जखमी जखमी असलेल्या आकाश याला परिसरातील नागरिकांनी तातडीने खासगी रुग्णालयात नेलं. मात्र, उपचारांदरम्यान त्याचा मृत्यू झाल्याचे स्पष्ट झाले.
आकाश कृष्णा चाबूकस्वार (वय २१, रा. एकनाथ पुरम हाउसिंग सोसायटी, फुरसुंगी) असे खून झालेल्याचे नाव आहे. याबाबत आकाशच्या भावाने तक्रार दिली, अशी माहिती वरिष्ठ निरीक्षक अमर काळंगे यांनी दिली. त्याचा खून केल्याप्रकरणी पोलिसांनी आदित्य सुभाष गायकवाड, गणेश किशोर मोरे आणि कौशल्य उर्फ ऋषी जनार्दन मारे यांना ताब्यात घेतले. इतर आरोपींचा शोध सुरू आहे.
पोलिसांनी सांगितले, की गुरुवारी (एक जानेवारी) सायंकाळी सातच्या सुमारास आकाश येवलेवाडी परिसरातून पायी जात असताना दुचाकीवरून आलेल्या तरुणांनी त्याचा रस्ता अडवला. जुन्या वादातून त्याच्याशी भांडण उकरून काढले. आरोपींनी आकाशला लाथा-बुक्क्यांनी मारहाण केली आणि त्याच्या डोक्यात दगड घातला. त्यानंतर दुचाकीवरून पसार झाले. गंभीर जखमी स्थितीत आकाशला परिसरातील नागरिकांनी तातडीने खासगी रुग्णालयात दाखल केले. मात्र, उपचारांदरम्यान त्याचा मृत्यू झाला.
पोलिसांनी घटनास्थळी जाऊन पंचनामा केला. पळालेल्या आरोपींच्या शोधासाठी पोलिस उपायुक्त राजलक्ष्मी शिवलकर यांच्या आदेशानुसार तातडीने दोन विशेष तपास पथके तयार करण्यात आली. त्यांनी सीसीटीव्ही फुटेज व तांत्रिक विश्लेषणाद्वारे आरोपींचा माग काढला. ही कारवाई सहायक निरीक्षक राकेश जाधव व तपास पथकातील अधिकारी व अंमलदारांनी केली.
लेखकाबद्दलअक्षय शितोळेअक्षय शितोळे | २०१८ पासून डिजिटल मीडियात कार्यरत असून सध्या मटा ऑनलाइनमध्ये प्रिन्सिपल डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील रिपोर्टर्ससोबत समन्वय साधण्याचेही काम करत आहे. राजकीय बातम्यांमध्ये विशेष रस, बातम्यांमागची बातमी अर्थात घडामोडींचा विश्लेषणात्मक आढावा घेण्याचा सातत्याने प्रयत्न असतो. शेती आणि ग्रामीण जीवन हे जिव्हाळ्याचे विषय आहेत. यापूर्वी लोकमत, न्यूज १८ लोकमत आणि एबीपी माझा या संस्थांमध्येही कामाचा अनुभव असून मुंबईतील रूईया महाविद्यालयातून पत्रकारितेत पदवी प्राप्त केली आहे.… आणखी वाचा