पूल क्रमांक पाचची बांधणी ब्रिटिश कालावधीतील असल्याने त्याचे आयुर्मान पूर्ण झाले आहे. पुलामधील जुने गर्डर हटवून त्या ठिकाणी नवे गर्डर उभारण्यात येणार आहे. यामुळे ग्रँट रोड ते मुंबई सेंट्रलदरम्यान 13 तासांचा ब्लॉक घेण्यात आला आहे. ब्लॉकवेळेत अप आणि डाउन धीम्या मार्गावरील लोकलफेऱ्या अप आणि डाउन जलद मार्गावर वळवण्यात येणार आहेत. पुलाच्या गर्डरची पुनर्बांधणी करण्याचे काम सुरू असतानाच प्रभादेवी येथील रेल्वे उड्डाणपुलाच्या पाडकामासाठी डाउन धीम्या मार्गावर साडेसात तासांचा ब्लॉक घेण्यात येणार आहे.
Western Railway : पश्चिम रेल्वेवरील महत्त्वाच्या स्थानकातील पार्सल सेवा बंद; व्यापारी, फळ बागायतदार, छोट्या व्यावसायिकांना मोठा फटका

पूल क्र. पाचच्या पुनर्बांधणीसाठी 13 तासांचा ब्लॉक

स्थानक – ग्रँट रोड ते मुंबई सेंट्रल
मार्ग – अप आणि डाउन धीमा
वेळ – शनिवारी रात्री 11 ते दुपारी 12

प्रभादेवीतील पूल पाडण्यासाठी 7.30 तासांचा ब्लॉक

स्थानक – ग्रँट रोड ते मुंबई सेंट्रल
मार्ग – डाउन धीमा
वेळ – शनिवारी रात्री 11.30 ते सकाळी ७पर्यंत

परिणाम
ब्लॉकमुळे महालक्ष्मी, प्रभादेवी, माटुंगा रोड, लोअर परळ आणि माहीम स्थानकात लोकल थांबणार नाहीत
Local Train Ticket : लोकलच्या तिकीट-पासचा झोल महागात पडणार, मध्य रेल्वेचं महत्त्वाचं पाऊल, आता काय बदल?

145 लोकलफेऱ्या रद्द राहणार

14 अप जलद लोकल दादरपर्यंत आणून त्याच स्थानकातून परतीचा प्रवास सुरू करण्यात येईल
62 अप धीम्या लोकल वांद्रेपर्यंत आणून त्याच स्थानकातून परतीचा प्रवास सुरू करण्यात येईल

मध्य, ट्रान्स हार्बर रेल्वेचा उद्या खोळंबा

माटुंगा ते मुलुंड आणि ठाणे ते वाशी/नेरूळदरम्यान मध्य रेल्वेने रविवारी ब्लॉक घोषित केला आहे. ट्रान्स हार्बरवरील ब्लॉकमुळे हार्बर मार्गावर कोणताही ब्लॉक असणार नाही. ब्लॉकवेळेत काही लोकलफेऱ्या रद्द राहणार असून काही लोकलफेऱ्या विलंबाने धावणार आहेत.

मध्य रेल्वे (मुख्य मार्ग)

स्थानक – माटुंगा ते मुलुंड
मार्ग – अप आणि डाउन धीमा
वेळ – सकाळी 11.05 ते दुपारी 3.55

परिणाम – ब्लॉकवेळेत धीम्या मार्गावरील अप आणि डाउन लोकल जलद मार्गावरील अप आणि डाउन मार्गावर वळवण्यात येणार आहेत. यामुळे काही लोकलफेऱ्या रद्द राहणार असून काही लोकलफेऱ्या सुमारे 20 मिनिटे विलंबाने धावणार आहेत.

ट्रान्स हार्बर

स्थानक – ठाणे ते वाशी/नेरूळ
मार्ग – अप आणि डाउन
वेळ – सकाळी 11.10 ते 4.10

परिणाम – ब्लॉकवेळेत ठाणे ते वाशी/नेरूळ/पनवेलदरम्यान अप आणि डाउन मार्गावरील लोकलफेऱ्या रद्द राहणार आहेत. हार्बर मार्गावरील छत्रपती शिवाजी महाराज टर्मिनस ते पनवेल-वाशीदरम्यान कोणताही ब्लॉक असणार नाही.