राष्ट्रवादी काँग्रेस शरद पवारांच्या पक्षाला मुंबईत दुसरा धक्का बसला आहे. प्रभाग क्रमांक २११ मधील उमेदवार सुफियान अन्सारी यांनी त्यांचा अर्ज परस्पर माघारी घेतला आहे. पक्षाच्या वरिष्ठ नेत्यांना कोणतीही कल्पना न देता अन्सारी यांनी माघार घेतली आहे. त्यामुळे पक्षात नाराजी आहे. अन्सारी यांनी अर्ज मागे घेतल्यानं आता प्रभाग क्रमांक २११ मध्ये काँग्रेस विरुद्ध समाजवादी पक्ष अशी लढत होईल. पवारांच्या उमेदवारानं माघार घेतल्यानं ठाकरेंच्या युतीला धक्का बसला आहे. ठाकरे बंधूंनी मतदानाच्या आधीच एक जागा गमावली आहे. विशेष म्हणजे या प्रभागात महायुतीकडूनही उमेदवार नाही. भाजपच्या उमेदवाराचा अर्ज छाननीत बाद झालेला आहे.
जांगडगुत्ता! दोन जागा, दोन उमेदवार अन् चार एबी फॉर्म; चारही अर्ज वैध ठरल्यानं भलताच पेच
ठाकरे बंधू आणि राष्ट्रवादी काँग्रेस शरद पवार पक्षात यांच्यात बिघाडी होण्याची चिन्हं दिसू लागली आहेत. युतीच्या जागावाटपात प्रभाग क्रमांक १४० राष्ट्रवादी काँग्रेसला गेला. इथून संजय कांबळे उमेदवार आहेत. पण ठाकरेंच्या शिवसेनेकडून सिद्धार्थ उस्तुरे यांना एबी फॉर्म देण्यात आला. त्यांचा अर्ज छाननीमध्ये वैधही ठरला आहे. त्यामुळे या प्रभागात शरद पवारांच्या उमेदवारासमोर ठाकरेसेनेचंही आव्हान असेल.
शिंदेंच्या होमपीचवर भाजप सुस्साट; देवाभाऊंच्या शिलेदारानं करुन दाखवलं, मतदानाआधीच मोठा धमाका
मुंबई महापालिकेत यंदा अनेक प्रभागांमध्ये तिरंगी लढत होत आहे. ठाकरे बंधू विरुद्ध महायुती विरुद्ध काँग्रेस-वंचित आघाडी असा संघर्ष बहुतांश प्रभागांमध्ये आहे. उद्धव ठाकरेंचा पक्ष १६४, मनसे ५३ आणि शरद पवारांचा पक्ष १० जागा लढत आहे. महायुतीत भाजप १३७ आणि शिंदेसेना ९० जागांवर लढत आहे. आज उमेदवारी अर्ज मागे घेण्याचा अखेरचा दिवस होता. त्यामुळे सगळ्या प्रभागांमधील लढतींचं चित्र स्पष्ट झालं आहे.