‘डेडिकेटेड फ्रेट कॉरिडॉर कॉर्पोरेशन ऑफ इंडिया लिमिटेड’कडून ‘पश्चिम समर्पित मालवाहतूक मार्ग’ उभारणी करण्यात येत आहे. रेल्वे कारच्या मदतीने जेएनपीटी-वैतरणा या १०२ किमी मार्गावर पहिली वाहतुकीची चाचणी घेण्यात आली. यावेळी व्यवस्थापकीय संचालक, डीएफसीसीआयएल, प्रवीण कुमार आणि वरिष्ठ अधिकारी उपस्थित होते. हा विभाग पूर्णतः कार्यान्वित झाल्यानंतर देशाच्या अंतर्गत भागांतील मालवाहतूक आणि जेएनपीटी बंदर यांमधील वाहतूक अधिक वेगाने होणे शक्य होणार आहे.

Western Railway: नववर्षात पश्चिम रेल्वेचं वेळापत्रकही नवीन; 29 गाड्या अधिक वेगवान, नवं टर्मिनस… नेमकं काय-काय बदललं?

मालवाहतुकीचा मार्ग होणार सुकर

वैतरणा ते न्यू खारबाव या ३० किलोमीटरच्या मार्गाचे आधीच विद्युतीकरण पूर्ण झाले आहे. त्यावर ३० नोव्हेंबर २०२४ मध्ये इलेक्ट्रिक लोकोमोटिव्हच्या माध्यमाने यशस्वी चाचणी घेण्यात आली होती. सद्यःस्थितीत उर्वरित मार्गाचे विद्युतीकरण आणि सिग्नल संबंधित कामे वेगाने पूर्ण करण्यात येत आहे. ही कामे पूर्ण झाल्यावर संपूर्ण मार्ग वाहतुकीसाठी खुला करण्यात येणार आहे.

अखिलेश यादव करणार मुंबईत प्रचार

मुंबई महापालिकेच्या निवडणुकीत समाजवादी पक्षाच्या उमेदवारांचा प्रचार करण्यासाठी पक्षाध्यक्ष अखिलेश यादव यांच्यासह आठ खासदार, सहा आमदार यांची फौज उतरणार आहे. पक्षाकडून १७ स्टार प्रचारकांची यादी गुरुवारी जाहीर करण्यात आली. सपने पालिका निवडणुकीत ७७ उमेदवार उभे केले असून मुस्लिम तसेच उत्तर भारतीयबहुल वॉर्डामध्ये ते लढत देत आहेत.

महाविकास आघाडीसोबत असलेल्या सपने नुकताच आपला वेगळा सवतासुभा मांडत, महापालिका निवडणुकीत स्वबळावर लढण्याचा निर्णय घेतला. निवडणुकीसाठी पक्षाने १७ स्टार प्रचारकांची यादी गुरुवारी जाहीर केली. यादीत सप अध्यक्ष, खासदार अखिलेश यादव, उत्तर प्रदेश विधानसभेचे विरोधी पक्षनेते माता प्रसाद पांडेय यांच्यासह आठ इतर खासदार, चार आमदार, दोन इतर नेत्यांचा समावेश आहे.