निलेश राणे यांनी उद्धव ठाकरे यांच्या बालेकिल्ल्यात एन्ट्री केली आहे. मुंबई महापालिका निवडणूक प्रचार यंत्रणेत ते ॲक्शन मोडवर आहेत. मुंबईतील महत्त्वाचा परिसर मानला जाणाऱ्या आणि ठाकरेंचे वर्चस्व असलेल्या शिवडी, लालबाग, परळ, माहीम या प्रभागांची जबाबदारी निलेश राणे यांच्याकडे देण्यात आली आहे.

शिवसेना आमदार निलेश राणे यांनी नुकतीच सिंधुदुर्ग जिल्ह्यातील नगरपरिषद आणि नगरपंचायतीची निवडणूक गाजवली आहे. इतकंच नाही तर भाजपला जेरीस आणत मालवणवर शिवसेनेचा भगवा फडकवला आहे, तर कणकवलीमध्येही संदेश पारकर यांना नगराध्यक्ष केलं आहे. तळकोकणातील निवडणुकीतही निलेश राणे यांना मोठे यश मिळाले आहे. या यशानंतर आता मुंबई महापालिकेच्या निवडणुकीतील प्रचारासाठी निलेश राणे उतरले आहेत.

मुंबईतील शिवडी, लालबाग, परळ, माहीम या परिसरात मूळ कोकणातील असलेल्या रहिवाशांची संख्या मोठी आहे. हाच सगळा परिसर ठाकरेंचा बालेकिल्ला म्हणून ओळखला जातो. मुंबई महानगरपालिकेच्या निवडणुकीमुळे सध्या वातावरण तापलं आहे. याच निवडणुकीसाठी या परिसरात निलेश राणे यांनी आता धडाकेबाज एन्ट्री करत या परिसरातील नागरिकांच्या भेटीसाठी बैठका सुरु केल्या आहेत.
BMC Election : एक बैठक आणि फडणवीसांचा मोठा निर्णय, मुंबईत महायुतीच्या 12 उमेदवारांची माघार, कारण काय?

वरळी विधानसभेत शिवसैनिकांशी भेटीगाठी

वरळी विधानसभेत शिवसैनिकांशी भेटीगाठी घेत निलेश राणेंनी संवाद साधायला सुरुवात केली आहे. शिवसेनेचे संघटन अधिक मजबूत करत या निवडणुकीत महायुतीच्या अधिकृत उमेदवारांना प्रचंड बहुमताने विजयी करण्याचे आवाहन केले. शिवडी विधानसभेतील शिवसेना पदाधिकाऱ्यांसोबत महत्त्वपूर्ण बैठक त्यांनी घेतली. या बैठकीला शाखाप्रमुख, विधानसभाप्रमुख, महिला शाखाप्रमुख, उपशाखाप्रमुख, गटप्रमुख तसेच बूथ अध्यक्ष, शिवसैनिक उपस्थित होते.
Kripashankar Singh : उत्तर भारतीय महापौर होणार, कृपाशंकर सिंहांच्या वक्तव्याने वाद, उदय सामंत म्हणाले, ते काही महायुतीचं…
मुंबई महानगरपालिकेच्या निवडणुकीसाठी या परिसरातील महायुतीच्या उमेदवारांच्या प्रचारासाठी निलेश राणे यांनी लक्ष घातले आहे. त्यामुळे सभा कशा होणार, याकडे सर्वांचे लक्ष लागले आहे.