मुंबईतील प्रभाग क्रमांक २११ महायुतीत शिंदेसेनेला सुटला होता. कागदपत्रांची पूर्तता न केल्यानं शिंदेसेनेच्या उमेदवाराचा अर्ज स्वीकारला गेलेला नाही. तर प्रभाग क्रमांक २१२ मध्ये भाजप उमेदवार मंदाकिनी खामकर यांचा उमेदवारी अर्जदेखील स्वीकारला गेला नव्हता. एबी फॉर्म मिळाल्यानंतर खामकर अर्ज दाखल करण्यासाठी कार्यालयात १५ मिनिटं उशिरा पोहोचल्या. त्यामुळे त्यांचा अर्ज स्वीकारला गेला नाही. प्रभाग क्रमांक २११ आणि २१२ मध्ये शिंदेसेनाआणि भाजपचे उमेदवार निवडणुकीच्या आखाड्यातच नाहीत. आजूबाजूच्या प्रभागांमध्ये महायुतीला धक्का बसला आहे.
गद्दाराला उभा करु नका! माजी नगरसेवकानं ठाकरेंची साथ सोडली; त्यानं दिलेली बॅग शिवसैनिकानं पेटवली
प्रभाग क्रमांक २१२ मध्ये ठाकरे बंधूंच्या युतीकडून मनसे च्या श्रीवणी हळदणकर निवडणूक लढत आहेत. त्यांच्यासमोर अखिल भारतीय सेनेच्या गीता गवळी, काँग्रेस आणि अन्य पक्षांचे उमेदवारांचं आव्हान आहे. पण या भागातील ठाकरे बंधूंची एकत्रित ताकद पाहता हळदणकर यांचा विजय निश्चित मानला जात आहे. त्यामुळे मनसे प्रभाग क्रमांक २१२ मधून खातं उघडण्याची दाट शक्यता आहे.
BMC Election 2026: शिंदेंचे 2 ‘धुरंधर’ भाजपला नडले, जागावाटपात अडून बसले; 52 जागांची ऑफर असताना 90 जागा मिळवल्या
मुंबईत दोन प्रभागांमध्ये धक्का बसलेल्या भाजपनं कल्याण-डोंबिवली महापालिकेत खातं उघडलं आहे. रेखा चौधरी आणि आसावरी नवरे यांनी मतदान होण्यापूर्वीच बाजी मारली. दोघीही बिनविरोध निवडून आलेल्या आहेत. रेखा चौधरी यांनी प्रभाग क्रमांक १८ अ मधून अर्ज भरला होता. तर आसावरी नवरे यांनी पॅनल क्रमांक २६ क मधून अर्ज दाखल केला होता. दोघींच्या विरोधात अन्य कोणीच अर्ज दाखल केलेला नाही. त्यामुळे त्या बिनविरोध विजयी झाल्या आहेत. त्यामुळे त्यांच्या कार्यकर्त्यांनी जल्लोष केला आहे.